नाडामा नामीको चर्चा : ३०० युनिट भन्दा बढी बुकिङ भएको दावी

काठमाडौंको भृकुटीमण्डपमा जारी नाडा अटो शो २०२४ मा इलेक्ट्रिक कारको विशेष चर्चा छ । यस मध्ये पनि नामीको स्टलको चर्चा अरु भन्दा फरक छ ।

नेपाली बजारमा पहिले उपलब्ध इन्ट्री लेभलका ईभीहरुको प्रतिस्पर्धीको रुपमा नामीका तीन भेरिएन्ट केही दिन पहिले सार्वजनिक भएका थिए । त्यही मोडल हाल नाडा अटो शोमा डिस्प्ले गरिएको छ । नाडामा उपलब्ध सर्बाधिक चर्चित गाडीहरुमा नामी पनि एक हो ।

नामीको स्टलमा धेरै अवलोकनकर्ताहरु झुम्मिएको देख्न सकिन्छ । हाल सम्म स्टलमार्फत ३०० युनिट भन्दा बढी बुकिङ भएको नामीको नेपालका लागि आधिकारिक वितरक एमएडब्लु वृद्धि अटोकर्पले जनाएको छ ।

स्लिक डिजाइन, स्पेसियस इन्टेरियर र कटिङ एड्ज प्रविधिले भरिएको नामी अद्वितीय ड्राइभिङ एक्सपिरियन्स र हेड टर्नका लागि डिजाइन गरिएको हो । यो फ्युचरिस्टिक ह्याचब्याक ईभीप्रेमीलाई सुहाउने गरी नामी ई१, नामी ई२ र नामी ई३ गरी तीन भेरिएन्टमा उपलब्ध छ जसको सुरुवाती मूल्य क्रमसः २९ लाख ९९ हजार, ३१ लाख ९९ हजार र ३४ लाख ९९ हजार रुपैयाँ रहेको छ । ड्युअल टोनको लागि भने थप ५० हजार रुपैयाँ लाग्ने छ ।

पर्मानेन्ट म्याग्नेट सिन्क्रोनस मोटरले पावर दिने नामीले ७० किलोवाटको पावर र १६० एनएमको टर्क जेनेरेट गर्छ । यो नयाँ ईभी ३१.४ किलोवाट आवर र ४२.३ किलोवाट आवर गरी दुई ब्याट्री अप्सनमा उपलब्ध छ जसको रियल लाइफ रेन्ज ४३० किलोमिटर ९सीएलटीसी० रहेको छ । नामीको पर्फमेन्सलाई यसका इन्टेलिजेन्ट फिचरले अझ परिस्कृत बनाएको छ जसले सिटी ड्राइभिङका लागि यसलाई बेजोड बनाउनेछ ।

नामीले आफ्नो सेग्मेन्टमा लक्जरी र इन्टेलिजेन्टको नयाँ मापदण्ड स्थापित गरेको छ । यसको लक्जरियर इन्टेरियर र अत्याधुनिक स्मार्ट प्रविधि यसको स्लिक डिजाइनमा राम्रोसँग सम्मीश्रित छ । यसमा सेग्मेन्ट फस्ट वेलकम सिट, मेमोरी सिट, फ्रेमलेस डोर, फ्लस डोर ह्यान्डल, अटो पार्किङ टेबल टपसहितको प्यासेन्जर ड्रअर पनि रहेको छ । साथै इन्टेलिजेन्ट एसी सिस्टम, बेबी केयर मोड, रेस्ट मोड, रेन डिटेक्सन, हिटेड र भेन्टिलेटेड सिटले यो कारको कम्फर्ट र कन्भिनियन्सलाई अझ माथि पुर्याउनेछ र हरेक यात्रालाई प्रिमियम बनाउनेछ ।

नामीमा भएको एक उत्कृष्ट सुविधा हो अटोमेटिक पार्किङ सिस्टम । सो उन्नत प्रविधिका कारण सहरको टाइट स्पेसमा पनि सहज तरिकाले पार्किङ गर्न सहयोग पुग्छ । यसबाट तनावमुक्त ड्राइभिङमा समेत सहयोग पुग्छ ।

नामी पाँच जीवन्त कलर अप्सनमा उपलब्ध छ । सो गाडी ह्वाइट, येल्लो र ब्लुका साथै ह्वाइट एन्ड येल्लो र ह्वाइट एन्ड ब्लु ड्युअल टोन अप्सनमा उपलब्ध छ । यी कलर अप्सनका कारण नामी ०१ सडकमा स्टाइलिस र आई–क्याचिङ भेइकल बन्ने अनुमान गर्न सकिन्छ ।