गाडी किन्न नबिल बैंकले ५.९१ प्रतिशत ब्याजदरमै लोन दिने

काठमाडौं– देशको सबैभन्दा ठूलो बाणिज्य बैंक नबिलले एकदमै सस्तो ब्याजदरमा अटो लोन दिने भएको छ । बैंकले ५.९१ प्रतिशत ब्याजदरमै अटो लोन दिने जनाएको छ ।

विद्युतीय र पेट्रोलियम दुबै प्रकारका प्यासेन्जर कार खरिदमा बैंकले ५.९१ प्रतिशत ब्याजदरमा लोन दिने जनाएको हो । नबिल बैंकले ल्याएको यो अफर संभवतः सबैभन्दा सस्तो हो ।

प्यासेन्जर कार खरिद गर्न ग्राहकले ६० प्रतिशत सम्म कर्जा लिन सक्ने प्रावधान रहेको छ । कारको कुल मूल्यको ४० प्रतिशत डाउनपेमेन्ट गरेर बाँकी हुन आउने रकममा बढीमा ७ वर्षसम्म बैंक तथा वित्तिय संस्थाले कर्जा प्रवाह गर्दै आएका छन् ।

बैंकहरुमा पर्याप्त लगानीयोग्य पूँजी थन्किनु र कर्जाको माग न्यून हुनुजस्ता कारणले पछिल्लो समय ब्याजदर निरन्तर घट्दो क्रममा छ । अहिले प्राय सबैजसो बाणिज्य बैंकले एकल अंकको ब्याजदरमै अटो लोन प्रावह गरिरहेका छन् ।