अब नेपालकै सबैभन्दा कम इन्धन खपत गर्ने कार सुजुकी सेलेरियो : सोरुमहरुमा गरियो सार्वजनिक

काठमाडौं – नेपालका लागि सुजुकी चार पांग्रे सवारी साधनको आधिकारिक वितरक तथा सीजी होल्डिङ्सको अटोमोटिभ डिभिजन, सीजी मोटोकर्पले सबैभन्दा धेरै इन्धन किफायती पारिवारिक कार सुजुकी सेलेरियो सार्वजनिक गरेको छ । सर्वाधिक माइलेज दिने बताइएको सो गाडीको कम सञ्चालन खर्चका कारण बढ्दो पेट्रोलियम पदार्थको मूल्यवृद्धिको यो समयमा राहत मिल्ने कम्पनीले विश्वास गरेको बताइएको छ । नयाँ सेलेरियोमा अतुलनीय ड्राइभिङ अनुभव, नयाँ थ्रीडी अर्गानिक स्कल्प्टेड डिजाइन, फर्स्ट–इन–सेगमेन्ट सुरक्षा र सुविधायुक्त सुविधाहरू भएको कम्पनीले जनाएको छ ।

सीजी मोटोकर्पका सेल्स एण्ड मार्केटिङका महाप्रबन्धक सिराज पन्तका अनुसार सेलेरियो नेपाली बजारमा निकै रुचाइएको पारिवारिक सवारी हो । न्यु जेनेरेशन सेलेरियोमा अझै धेरै माइलेज, बिना सम्झौताको सुरक्षा र सुविधाजनक फिचर रहेको छ साथै यसको नयाँ डिजाइनले ग्राहकलाई आकर्षित र उत्साहित गर्नेछ ।

स्टाइलिस, लाइभ्ली, एक्टिभ र अर्वान एक्सटेरियर डिजाइन
अल न्यु सेलेरियाले थ्रीडी अर्गानिक स्कल्प्ड डिजाइनको साथै गतिशील स्ट्यान्स प्रदान गर्दछ । स्टाइलिश थ्रीडी अर्गानिक स्कल्प्ड डिजाइनले बजारमा कम्प्याक्ट ह्याचब्याक खण्डलाई पुनः परिभाषित गर्ने कम्पनीले जनाएको छ । एनिमेटेड स्वीपिङ फ्रन्ट हेडल्याम्प, ड्रपलेट स्टाइल टेलल्याम्प र क्रोमसहितको नयाँ रेडियन्ट सिग्नेचर फ्रन्ट ग्रिलले यसको ताजा उत्साहजनक डिजाइन सिग्नेचरलाई जोड दिन्छ । १५ इनच अर्थात ३८.०२ सेमी अर्बन ब्ल्याक अलोय ह्विल र अगाडिको फगल्याम्पले यसमा जीवन्त शैलीको आकर्षण थप्दछ ।

स्वीपिङ डिजाइन इलिमेन्ट सहितको इनर्जेटिक र स्पेसियर इन्टेरियर
नयाँ सेलेरियोलाई थप आरामको लागि ऊर्जावान र फराकिलो क्याबिन विचारपूर्वक डिजाइन गरिएको छ । स्वीपिङ क्यारेक्टर लाइनहरू र अर्गानिक स्कल्प्टेड थ्रीडी इन्स्ट्रयुमेन्ट प्यानलले नयाँ सेलेरियोलाई अझै प्रिमियम फिल दिएको छ । उज्यालो क्रोम एक्सेन्टसहितको ट्विन स्लट सेन्टर एसी भेन्टिलेसन, बोल्ड ब्यारेल–थीम साइड एयर भेन्ट्सले भित्री डिजाइनलाई थप आकर्षक बनाएको छ ।

स्पिरिटेड र इनर्जाइज्ड – नेक्स्ट जेन पावरट्रेन
पावर र माइलेजको उत्तम समिश्रण भएको नयाँ जेनेरेशनको ड्युअल जेट, ड्युअल भीभीटीयुक्त के–सिरिज इन्जिनको प्रयोग यसमा गरिएको छ, जसले नेपालमै सर्वाधिक २६.६८ किलोमिटर प्रतिलिटरको माइलेज दिन सक्ने कम्पनीको भनाइ छ । सेगमेन्टमै पहिलो आइडल स्टार्ट–स्टप प्रयोग गरिएको नयाँ सेलेरियोले कार्बन डाइअक्साइड इमिसनलाई १९ प्रतिशत सम्म घटाउने बताइएको छ । अत्याधुनिक प्रविधिद्वारा संचालित, नयाँ सेलेरियोले ३५०० आरपीएममा ८९ एनएम टर्क र ५५०० आरपीएममा ६७ पीएस पावर जेनेरेट गर्छ । नेक्स्ट–जेन के–सिरिज इन्जिनको विकास अत्याधुनिक प्रविधि जस्तै कुल्ड ईजीआर, अटो टेन्सनर र एकीकृत निकास मेनिफोल्डको प्रयोगबाट गरिन्छ ।

अत्याधुनिक सुरक्षा फिचर
सुजुकीको एड्भान्स्ड हार्टेक्ट प्लेटफर्ममा बनेको नयाँ सेलेरियोले अत्यधिक सुरक्षा प्रदान गर्ने कम्पनीले जनाएको छ । हार्टेक्ट प्लेटफर्मले कारको क्र्यास, रिजिडिटी र समग्र बललाई सुधार गर्छ । उच्च तन्य स्टीलको व्यापक प्रयोग र १२ भन्दा बढी सुरक्षा सुविधाहरूले सबैका लागि सुरक्षित ड्राइभ सुनिश्चित गर्ने कम्पनीले विश्वास गरेको बताएको छ ।

सहज फिचर सहित इन्टिग्रेटेड स्मार्ट टेक्नोलोजी
रमाइलो र आरामदायी ड्राइभिङ अनुभवको लागि १७.७८ सेमी अर्थात ७ इन्चको स्मार्टप्ले स्टुडियो इन्फोटेनमेन्ट सिस्टम उपलब्ध गराइएको छ । यसका अतिरिक्त फर्स्ट इन सेगमेन्ट इन्जिन पुश स्टार्ट, पोलेन टाइप एसी फिल्टर जस्ता नयाँ सुविधाहरू पनि ल्याइएका छन् । माउन्टेड अडियो कन्ट्रोलसहित टिल्ट स्टेयरिङ, ६०ः४० स्प्लिट रियर सिट र उचाइ–समायोज्य ड्राइभर सिट जस्ता सुविधाहरूले नयाँ सेलेरियो थप आरामदायी हुने कम्पनीले जनाएको छ ।

मूल्य र भेरिएन्ट
सुजुकीको नयाँ सेलेरियो नेपाली बजारमा तीन भेरिएन्टमा उपलब्ध हुनेछ । ती मध्ये सेलेरियो भीएक्सआईको मूल्य २७ लाख ९९ हजार, जेडएक्सआईको मूल्य २९ लाख ९९ हजार र जेडएक्सआई प्लसको मूल्य ३१ लाख ९९ हजार रुपैयाँ तोकिएको छ ।