भारतमा १ वर्षमा ७५ हजार भन्दा बढी मारुती सुजुकी एस–प्रेसो बिक्री

मारुती सुजुकीले भारतमा एक वर्षको अवधिमा ७५ हजार युनिट एस–प्रेसो कार बिक्री गरेको छ ।
२०१९ सेप्टेम्बर ३० मा मारुती सुजुकी एस–प्रेसो लन्च भएको थियो । सो एसयूभी लन्च भएको १ वर्ष पुरा भइसकेको छ ।

ए२ सेगमेन्टमा एस–प्रेसोको ९ प्रतिशत शेयर रहेको छ । सो कारको कम्प्याक्ट डिजाइन, स्पेसियस क्याबिन, माइलेजको कारण निकै चर्चित रहेको छ ।

मारुतीको सो कार ४ भेरिएन्टमा उपलब्ध रहेको छ । यसमा एसटीडी, एलएक्सआई, भीएक्सआई र भीएक्सआई प्लस भेरिएन्टमा उपलब्ध रहेको छ । सो कारको शुरुवाती मूल्य ४ लाख ३२ हजार भारु रहेको छ । यसको टप भेरिएन्टको मूल्य ५ लाख १३ हजार भारु रहेको छ ।

नेपाली बजारमा पनि मारुती सुजुकी एस–प्रेसो उपलब्ध छ । नेपाली बजारमा यसको सुरुवाती मूल्य २२ लाख ९९ हजार र टप मोडलको मूल्य २५ लाख ४९ हजार रुपैयाँ छ ।

मारुती सुजुकीको एस–प्रेसो लन्च गरेको ११ दिनमा १० हजार युनिट बुकिङ भइसकेको थियो । साथै बिक्री हुनु भन्दा पहिला नै टप १० सेलिङ कारको लिस्टमा समावेश भएको थियो । सो एसयूभीको डिजाइन, लेटेस्ट फिचर रहेको इन्टेरियर, इन्जिन र मूल्यको कारण निकै लोप्रिय रहेको छ ।

मारुतीको सो सानो एसयूभीमा बीएस६ कम्प्लायन्ट १.० लिटर पेट्रोल इन्जिन समावेश छ । सो इन्जिनले ५५०० आरपीएममा ६७ बीएचपीको पावर र ३५०० आरपीएममा ९० एनएमको टर्क जेनेरेट गर्छ । यसको साथै ५ स्पिड म्यानुअल र एएमटी गियरबक्सको विकल्प पनि रहेको छ । एस–प्रेसो सुजुकीको हार्टेक्ट प्लेटफर्ममा निर्माण गरिएको छ । जसको प्रयोग मारुती स्विफ्ट, वागनआर र बलेनो जस्ता कारमा समेत गरिएको छ ।