लुयान र सारथी स्कुटरमा मनसुन म्याजिक अफर, १० हजार नगद छुट र अन्य सुबिधा पनि

काठमाडौं–जीरो इमिसन राइड एनले मनसुन सिजनलाई लक्षित गरी आफ्ना लोकप्रिय ब्रान्डहरू लुयान र सारथी इकुटरका इलेक्ट्रिक स्कुटरहरूमा ‘मनसुन म्याजिक अफर’ लागु गरेको छ ।

यस अफरअनुसार, ग्राहकले हरेक स्कुटर किन्दा १० हजार नगद छुटका साथ हेल्मेट, रेनकोट, टिसर्ट, र एक वर्षको सडक कर निःशुल्क पाउनेछन् । असार महिनाको अन्त्यसम्म लागु हुने यस अफर अन्तर्गत, नगद किन्नेलाई आकर्षक छुट र उपहारको प्याकेज समेत प्रदान गरिएको छ ।

कुनै पनि पुरानो (पेट्रोल वा इलेक्ट्रिक) बाइक वा स्कुटर ल्याएर नयाँ स्कुटर लान सकिने एक्सचेन्जको पनि सुविधा रहेको कम्पनीले जनाएको छ । एक्सचेन्जमा पनि माथि उल्लेख गरिएको अफर लागु हुने बताइएको छ ।

कम्पनीले पुरै पैसा नहुने ग्राहकका लागि सजिलो फाइनान्स सुविधा समेत उपलब्ध रहेको जनाएको छ । जसमा ग्राहकले कम्तिमा २० प्रतिसत डाउनपेमेन्ट गरेर नयाँ स्कुटर लिन सक्नेछन् । अधिकतम ३६ महिनासम्मको मासिक किस्तामा भुक्तानी गर्न मिन्ले यस फाइनान्स योजनामा बाइक किन्ने ग्राहकलो भने माथि उल्लेख गरिएका अफर पाउने छैनन् ।

लुयान र सारथी इकुटरका अधिकांश मोडेलमा ७२ भोल्ट ३८ एएच ग्राफिन बेट्रि जडान गरिएको छ जसले एकपटकको फुल चार्जमा १२० किलोमिटरसम्म यात्रा गर्न सक्ने क्षमता राख्दछ । स्कुटरमा लिथियम आयोन ब्याट्रीको पनि अप्सन रहेको छ ।

लुयान र सारथी इकुटरका स्कुटरहरूमा शक्तिशाली मोटर जडान भएकाले नेपालका उकालो बाटाहरूमा पनि सजिलै चढ्न सक्ने दाबी गरिएको छ । १२ इन्चका टायर, डबल डिस्क ब्रेक, रि–जेन ब्रेकिङ सिस्टम, एनएफसी कार्ड स्टार्ट, डिजिटल डिस्प्ले, एलईडी हेडलाइट, र आइपि ६७ वाटर र डस्ट रेसिस्टेन्ट प्रणाली जस्ता विशेषताले यी स्कुटरलाई अझ भरपर्दो र सुरक्षित बनाएको छ ।

साथै, लुयानका स्कुटरमा उपलब्ध लिक्विड कुल्ड मोटरका कारण स्कुटर चलाउँदा उत्पन्न हुने तापलाई कम गरेर स्कुटरको तान्ने क्षमतामा वृद्धि गर्दछ ।

लुयानको एमएनके३ र एस ९० तथा सारथी इकुटरको ई३ र विँगर जस्ता मोडलहरु चर्चित छन् । यी स्कुटरको मूल्य १ लाख ९२ हजार ६०० देखी २ लाख १६ हजारसम्म पर्छ ।

जीरो इमिसन राइड एनका सेल्स एन्ड मार्केटिङ हेड शंकर शर्माका अनुसार, जीरो इमिसन राइड एनले हालसम्म नेपालका सबै इलेक्ट्रिक स्कुटर ब्रान्डहरूमध्ये सबैभन्दा उत्कृष्ट बिक्रीपछिको सेवा दिँदै आएको छ । ‘काठमाडौं उपत्यकाभित्र मात्रै १७ वटा सर्भिस सेन्टरहरू सञ्चालनमा छन्, जसमा हरेकमा चार्जिङ सुविधा पनि उपलब्ध छ । उपत्यका बाहिर १२ वटा प्रमुख शहरहरूमा डिलर र सर्भिस सेन्टरहरू रहेका छन्’ शर्माले भने ।

ग्राहकको विश्वास र बढ्दो रुचिलाई मध्यनजर गर्दै सुरु गरिएको यो अफरले नेपाली बजारमा अझ सशक्त उपस्थिति जमाउने कम्पनीले विश्वास लिएको छ ।