डिज्नीको एनिभर्सरीमा भेस्पाको कमाल, ल्यायो मिक्की माउस भेरिएन्ट

भेस्पाले मिक्की माउस भेरिएन्ट लन्च गर्नका लागि डिज्नी कम्पनीसँग साझेदारी गरेको छ । डिज्नीको १०० औं एनिभर्सरीलाई यादगार बनाउनका लागि सो साझेदारी गरेको हो । डिज्नीको एनिमेसन फिल्म लुकामा पनि भेस्पा स्कुटरको सानो क्लिप देखाइएको थियो ।

भेस्पाले मिक्की माउस भेरिएन्ट सार्वजनिक पनि गरिसकेको छ । सो स्कुटरले एनिमेसन फिल्म मिक्की माउसको झझल्को दिन्छ । डिज्नी र भेस्पाको साझेदारीमा निर्माण भएको सो स्कुटरमा पहेँलो, रातो, कालो र सेतो रङको प्रयोग गरिएको छ ।

भेस्पा मिक्की माउस भेरिएन्ट ५० सीसी, १२५ सीसी र १५० सीसीमा सार्वजनिक गरिएको छ । सो स्कुटर हाल अन्तर्राष्ट्रिय बजारमा मात्र उपलब्ध छ । कम्पनीले मिक्की माउस हेलमेटको बारेमा पनि जानकारी दिएको छ ।