जर्मन कम्पनीले भारतमा बनायो इलेक्ट्रिक कार, १५ मिनेट चार्जमा ३०० किलोमिटरको रेन्ज दिने

मर्सिडिज बेन्ज इन्डियाले ईक्युएस ५८० इलेक्ट्रिक कार भारतीय बजारमा लन्च गरेको छ । सो इलेक्ट्रिक कारको एक्स शोरुम मूल्य १ करोड ५५ लाख भारु तोकिएको छ । यो ईक्युसी र ईक्युएस ५३ एएमजी पछि इलेक्ट्रिक सब–ब्रान्ड ईक्युमा लन्च हुने तेस्रो मोडल हो । सो कारले १५ मिनेट चार्जिङमा ३०० किलोमिटरको रेन्ज दिने कम्पनीले दाबी गरेको छ ।

ईक्युएस ५३ एएमजीको लम्बाई ५२२३ एमएम छ, जबकि ईक्युएस ५८० को लम्बाई ५२१६ एमएम छ । एएमजीमा भर्टिकल स्टेल्स छ भने ईक्युएस ५८० मा फ्रन्ट ग्रिलमा मिनिएचर स्टार रहेको छ । एएमजी भर्सनमा आक्रामक फ्रन्ट र रियर बम्परलाई छुट्टै बम्परले प्रतिस्थापन गरिएको छ । यो ५ स्पोक २० इन्च अलोय ह्विल र ५ रङमा उपलब्ध छ ।

सो एसयूभीमा १०७.८ केडब्ल्युएचको ब्याट्री प्याक दिइएको छ । सो एसयूभीले ५२३ बीएचपीको पावर र ८५५ एनएमको टर्क जेनेरेट गर्छ । यो कारले ४.३ सेकेन्डमा ० देखि १०० किलोमिटर प्रतिघन्टाको गति लिन सक्छ । यसको टप स्पिड २१० किमी प्रतिघन्टा छ । कारको सिस्टमले २०० केडब्ल्यु डीसी फास्ट चार्जिङलाई सपोर्ट गर्छ । सिंगल चार्जमा सो एसयूभीले ८५७ किलोमिटरको रेन्ज प्रदान गर्छ ।

मर्सिडिज बेन्ज ईक्युएस ५८० मा एमबीयूएक्स हाइपरस्क्रिन दिइएको छ । जसमा ३ वटा ठूला हाई–डेफिनेसन डिस्प्ले उपलब्ध छ । यसमा हेड–अप डिस्प्ले, अगाडिको सिटका लागि मसाज फक्शन, बर्मेस्टर थ्रीडी सराउन्ड सिस्टम, एयर फिल्टरेशन सिस्टम, ९ एयरब्यागका साथै अन्य फिचर समावेश गरिएको छ ।