मेगा मोटर्सद्वारा एकैदिन १७ निसान गाडी ग्राहकलाई हस्तान्तरण

काठमाडौं – मेगा मोटर्सले आज एकै दिन १७ युनिट निसान गाडी ग्राहकलाई हस्तान्तरण गरेको छ । उपत्यकाको महाराजगन्ज, कलंकी र बालकुमारीमा शोरुम खोलेर निसान गाडी बिक्री गर्दै आइरहेको यो कम्पनीले एकैदिन यति धेरै गाडी ग्राहकलाई हस्तान्तरण गरेको हो ।

पछिल्लो समय नेपाल भित्रिएको निसान म्याग्नाइटमा ग्राहकको आकर्षण बढ्दै गएको र साथमा फेस्टिभल सिजन समेत सुरु भैसकेका कारण यो गाडीको माग बजारमा उच्च छ । माग बमोजिम आपूर्ति नहुँदा कहिलेकाँही समस्या देखिएपनि नयाँ गाडी आउने बित्तिकै यसअघि बुकिङ लिएर बसेका ग्राहकलाई डेलिभरी दिने गरिएको मेगा मोटर्स स्रोतले जनाएको छ ।

मेगा मोटर्सले विगत ३ बर्षयता काठमाडौं उपत्यकामा निसान गाडीको कारोबार गर्दै आइरहेको छ । निसानको नेपालका लागि आधिकारिक वितरक पायोनियर मोटोकर्पको डिलरको रुपमा कारोबार गर्दै आएको मेगा मोटर्स महेश पालले सञ्चालन गरिरहेका छन् ।