नाइमा मोबिलिटी एक्सपोमा लन्च भयो १ करोड ५१ लाखको गाडी

काठमाडौं– नाइमा मोविलिटी एक्सपो २०२५ मा पारामाउन्ट मोटर्सले माज्दा सीएक्स–६० लन्च गरेको छ । सीएक्स–६० मोडल अल ह्विल ड्राइभ सिस्टमको साथ उपलब्ध भएको छ ।

४५५० एमएम लम्बाई, १८४० एमएम चौडाई र १६६० उचाइ रहेको सीएक्स–६० को मूल्य १ करोड ५१ लाख रुपैयाँ राखेर कम्पनीले बिक्री सुरु गरेको हो ।

माज्दाले सीएक्स–६० मोडलमा २.५ लिटर इन्जिन दिएको छ । उक्त इन्जिनले अधिकतम १८५ बीएचपी पावर प्रदान गर्छ । यसको पिक टर्क २५० एनएम रहेको छ ।

यसको इन्टेरियर निकै प्रिमियम लाग्छ । १८० किलोमिटर प्रतिघन्टाको टप स्पिड रहेको सीएक्स–६० एसयूभीमा सुरक्षा फिचर पनि थुप्रै छन् । यसमा ६ एयरब्याग, भेइकल स्टेविलिटी कन्ट्रोल, ३६० डिग्री क्यामेरासँगै सेन्सरहरुको प्रयोग गरिएको छ ।