एमएडब्लु वृद्धि ओमेगा सेक्कीबाट नेपालको विद्युतीय सवारी सेग्मेन्टमा प्रवेश गर्दै

काठमाडौं – नेपाली बजारमा विभिन्न ब्रान्डका कमर्सियल तथा प्यासेन्जर सवारी बिक्री गर्दै आइरहेको एमएडब्लु वृद्धिले ओमेगा सेक्की मोबिलिटी (ओएसएम) का विद्युतीय सवारी नेपाली बजारमा ल्याउने भएको छ ।

त्यसका लागि ओएसएम र एमएडब्लु वृद्धि कमर्सियल भेइकलबीच आधिकारिक बिक्रेताको सम्झौता भएको हो । दुई कम्पनीबीच केही दिनअघि आधिकारिक साझेदारीको सम्झौता भएको थियो । एमएडब्लु वृद्धिले अबको केही समयभित्रै ओएसएमका तीन पांग्रे विद्युतीय सवारी ल्याउने बताएको छ ।

वातावरण सुरक्षामा आफूहरु प्रतिबद्ध रहेको र वातावरण र नेपाललाई सुहाउदो सवारी भित्र्याउन लागेको कम्पनीले जानकारी दिएको छ । पहिलो चरणमा एमएडब्लु वृद्धिले थ्री ह्विलर सवारी भित्र्याउने योजना बनाएको छ ।

ओएसएमले उत्पादन गरेका उच्च प्रविधियुक्त विद्युतीय सवारीले देशले अंगालेको विद्युतीकरणको अभियानमा सहयोग पुग्ने बताइएको छ । कम्पनीले कम प्रदूषण गर्ने विद्युतीय सवारीको क्षेत्र विस्तारका लागि निरन्तर काम गर्दै जाने जनाएको छ ।

ओमेगा सेक्की मोबिलिटी (ओएसएम) एंगलियन ओमगा ग्रुप अफ बिजनेसको सदस्य हो, जो भारत र विदेशमा अटोमोटिभ र इन्जिनियरिङ उद्योगहरूको लागि स्टिल पार्ट्स निर्माणमा केन्द्रित छ । समूहले पछिल्लो ५ वर्षमा अटोमोटिभ, पूर्वाधार र उच्च प्रविधिको डिजाइन तथा विकासका धेरै परियोजनाहरू यी क्षेत्रमा ठूलो लगानीका साथ विस्तार गरेको छ ।

विद्युतीय सवारीसाधनको व्यवसाय समूह कम्पनी ओमेगा सेक्कीले आफ्नो इन–हाउस आर एन्ड डी सुविधामा थ्री ह्विलर सवारीसाधनहरू आकर्षक डिजाइनमा विकास गरेको छ । यस अन्तर्गत रेज प्लस ब्रान्ड अन्तर्गतका गाडीहरू भारतका धेरै प्रमुख ईकमर्स र रसद कम्पनीहरूले प्रयोग गर्छन् ।