एमएडब्लू फाउण्डेसनले ट्राफिक प्रहरीलाई दियो १० वटा एफजेड मोटरसाइकल

काठमाडौं–एमएडब्लू फाउण्डेसनले उपत्यका ट्राफिक प्रहरीलाई १० थान मोटरसाइकल हस्तान्तरण गरेको छ ।

ट्राफिक व्यवस्थापन तथा सुरक्षित आवागमनमा सहयोग पुर्याउन एमएडब्लू फाउण्डेसनले काठमाडौं उपत्यका ट्राफिक प्रहरी कार्यालयलाई १० थान मोटरसाइकल दिएको हो ।

आइतबार फाउण्डेसनका अध्यक्ष विष्णुकुमार अग्रवालले काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक दानबहादुर कार्कीलाई मोटरसाइकल हस्तान्तरण गरेका हुन् । फाउन्डेसनले एफजेड मोटरसाइकल दिएको हो ।

भदौ २३ र २४ गते भएको जेन जी आन्दोलनपछि कानुन र व्यवस्था कायम गरी जनतालाई शान्ति सुरक्षाको प्रत्याभुती दिन तथा ट्राफिक र प्रहरीको स्रोतलाई मध्येनजर गरी सहयोग गरिएको फाउण्डेसनले जनाएको छ ।