मारुती सुजुकी र टोयोटाले ल्याउन लागेको नयाँ कारमा विवाइडीको ब्लेड ब्याट्री प्रयोग हुने

मारुती सुजुकी र टोयोटाले निकट भबिष्यमा ल्याउने तयारी थालेको इलेक्ट्रिक मिड साइज एसयुभीमा विवाइडीको ब्लेड ब्याट्री प्रयोग हुने भएको छ । लिथियम आयोन ब्याट्रीको तुलनामा प्रभावकारी हुनुको साथै मूल्य समेत कम पर्ने कारण यी दुई ब्रान्डले संयुक्त रुपमा ल्याउन लागेको नयाँ इलेक्ट्रिक कारमा यो ब्याट्री प्रयोग गर्न लागिएको जनाइएको छ ।

लिथियम आयोन ब्याट्रीको तुलनामा थप सुरक्षित र सेल टु प्याक आर्किटेक्चरका कारण यो ब्याट्री जडान गरी सवारीसाधन निर्माण गर्दा समग्र लागत नै कम पर्ने विश्वास गरिँदै आएको छ । टोयोटाले सन् २०१९ मै विवाइडीसंग मिलेर नयाँ ब्याट्रीको बिकासमा साझेदारी गर्ने सम्झौता गरिसकेको छ । जसअनुरुप भारतमा मारुतीसुजुकी संग मिलेर उत्पादन हुन गैरहेको नयाँ इलेक्ट्रिक कारमा उसले यो व्याट्रीलाई प्रयोगमा ल्याउन लागेको हो ।

हाल बजारमा मर्सिडिज बेन्ज, बिएमडब्लु, फक्सवागन र फोर्ड लगायत अन्य युरोपियन ब्रान्डले समेत प्रयोगमा ल्याएको लिथियम फेरस फस्फेट केमेस्ट्रीमा आधारित भई बिवाइडीले यो ब्लेड ब्याट्रको बिकास गरेको हो । परम्परागत लिथियम आयोन ब्याट्रीको तुलनामा थप शक्तिशाली, बिलयो, टिकाउ, उच्च रेन्जयुक्त हुनुको साथै यसको मूल्य समेत सस्तो रहेको छ ।