नयाँ माइक्रो एसयूभी ल्याउने तयारीमा मारुती सुजुकी, टाटा पन्चसँग प्रतिस्पर्धा हुने

मारुती सुजुकीले नयाँ माइक्रो एसयूभी विकास गरिरहेको छ। कम्पनीले परम्परागत साना ह्याचब्याक कारको माग घट्दै गएको र ग्राहकहरू एसयूभी सवारी साधनतर्फ आकर्षित भइरहेको अवस्थालाई मध्यनजर गर्दै सो नयाँ मोडेल बजारमा ल्याउने तयारी गरिरहेको हो।

रिपोर्टका अनुसार सो नयाँ माइक्रो एसयूभी दमदार र अग्लो हुनेछ । कम्पनीले यसलाई पेट्रोल इन्जिनमा मात्र सीमित नराखी हाइब्रिड, सिएनजी र ईभी भेरिएन्टमा पनि उपलब्ध गराउने योजना बनाएको छ।

सो नयाँ माइक्रो एसयूभीको सफलतामा यसको मूल्य निर्धारणले महत्वपूर्ण भूमिका खेल्ने अपेक्षा गरिएको छ। हाल टाटा पन्चको पेट्रोल र सिएनजी संस्करणको मूल्य ५ लाख ६५ हजार भारुदेखि १० लाख ६० हजार भारुसम्म रहेको छ भने यसको ईभी संस्करणको मूल्य ९ लाख ६९ हजार भारुदेखि १२ लाख ५९ हजार भारुसम्म रहेको छ।

मिडिया रिपोर्टका अनुसार यदि मारुती सुजुकीले आफ्नो नयाँ माइक्रो एसयूभी टाटा पन्चको तुलनामा करिब ३० हजारदेखि ४० हजार भारुसम्म सस्तो मूल्यमा बजारमा ल्याउन सफल भयो भने यसले बजारमा राम्रो प्रतिस्पर्धा गर्दै उल्लेखनीय सफलता हासिल गर्न सक्ने अनुमान गरिएको छ।