मारुती सुजुकीले ह्याचब्याक स्विफ्टको नयाँ जेनेरेसन मोडल लन्च गर्दै

मारुती सुजुकीले आफ्नो ह्याचब्याक स्विफ्टको नयाँ जेनेरेसन मोडल लन्च गर्ने भएको छ । लन्च हुनु अघि २०२४ मोडेल स्विफ्टको बारेमा जानकारी खुलासा गरिएको छ । नयाँ स्विफ्टको इन्जिन पावर र माइलेज पुरानो मोडलभन्दा निकै फरक हुनेछ ।

मारुती सुजुकी स्विफ्ट एलएक्सआई, भीएक्सआई, भीएक्सआई (ओ), जेडएक्सआ र जेडएक्सआई प्लस जस्ता ५ ट्रिम लेभलमा १० भन्दा बढी भेरिएन्टमा लन्च गर्नेछ, जसमा सीएनजी भेरिएन्ट पनि हुनेछ । नयाँ स्विफ्ट २ नयाँ रङमा उपलब्ध हुनेछ ।

नयाँ मारुती सुजुकी स्विफ्टमा अल न्यु १.० लिटर ३ सिलिन्डर जी-सिरिजको पेट्रोल इन्जिन हुनेछ, जुन माइल्ड हाइब्रिड प्रविधिले सुसज्जित हुनेछ । रिपोर्टका अनुसार नयाँ स्विफ्टको नयाँ इन्जिनले ८१.६ पीएस पावर र ११२ एनएमको टर्क जेनेरेट गर्न सक्नेछ । नयाँ स्विफ्टको माइलेज २५.७२ किलोमिटर प्रतिलिटरसम्म हुन सक्छ। यसमा ५ स्पिड म्यानुअल र अटोमेटेड म्यानुअल ट्रान्समिसनको विकल्प उपलब्ध हुनेछ ।

सो एसयूभीमा ९ इन्चको स्मार्ट प्ले प्रो प्लस टचस्क्रिन इन्फोटेनमेन्ट सिस्टम, वायरलेस स्मार्टफोन कनेक्टिभिटी, वायरलेस चार्जर, एसी भेन्ट रियर, सुजुकीको कनेक्टेड कार टेक्नोलोजी, मल्टिपल यूएसबी चार्जिङ पोर्ट, अर्कामिस साउन्ड सिस्टम र ६ वटा एयरब्याग फिचर हुनेछ ।

नयाँ मारुती सुजुकी स्विफ्टको लुक र डिजाइन निकै उत्कृष्ट हुनेछ । सो ह्याचब्याकको नयाँ पुस्ताको मोडलमा नयाँ फ्रन्ट हेडलाइट, नयाँ डीआरएल र फगल्याम्प, पुनः डिजाइन गरिएको बम्पर, नयाँ डिजाइनको अलोय ह्विल र रियरमा नयाँ टेल हुनेछ । नयाँ स्विफ्ट भारतीय बजारमा ६ लाख ५० हजार भारु मूल्यमा लन्च गर्ने सम्भावना छ ।