बलेनो र वागन आरको फ्यूल पम्पमा समस्या, फिर्ता बोलाइयो १६ हजार कार

मारुती सुजुकीले फ्यूल पम्प मोटर कम्पोनेन्टमा हुने सम्भावित त्रुटिका कारण बलेनो र वागनआर मोडलहरू फिर्ता बोलाउने घोषणा गरेको छ । २०१९ जुलाई ३० देखि नोभेम्बर १,सम्ममा निर्मित बलेनोका ११ हजार ८५१ युनिट र वागनआरका ४ हजार १९० युनिट प्रभावित रहेको कम्पनीले जनाएको छ ।

कम्पनीका अनुसार फ्यूल पम्प मोटरको कम्पोनेन्टमा समस्या आउँदा इन्जिन बन्द हुने अर्थात स्टार्ट हुने समस्या निम्त्याउन सक्छ । यस्तो समस्य निम्तिनु दुर्लभजस्तै भए पनि कार निर्माताले सावधानीका रूपमा सवारी साधन फिर्ता बोलाउने निर्णय गरेको हो ।

फिर्ता बोलाइएका कारको मर्मतसम्भार निशूूल्क गरिने र छिटोभन्दा छिटो ग्राहकलाई फिर्ता दिइने कम्पनीको भनाई छ । ग्राहकले मारुती सुजुकीको आधिकारिक वेबसाइटमा चेसिस नम्बर ईन्ट्रि गरेर आफ्नो गाडी फिर्ता बोलाइएको मध्ये छ कि छैन भनेर जाँच गर्न सक्नेछन् ।