सुजुकीले ई-भिटारा लन्च गर्दै, नयाँ विवरण सार्वजनिक

मारुती सुजुकीले आफ्नो पहिलो इलेक्ट्रिक एसयूभी ई-भिटारा केही महिनामै सार्वजनिक गर्ने तयारी गरिरहेको छ। रिपोर्टका अनुसार ई-भिटारा दुई फरक ब्याट्री प्याक विकल्प र तीन भेरिएन्टमा उपलब्ध हुनेछ।

कम्पनीले सो इलेक्ट्रिक एसयूभीमा ४८.८ किलोवाट र ६१.१ किलोवाटका दुई लिथियम आयरन फस्फेट ब्याट्री प्याक समावेश गर्ने योजना बनाएको छ। डेल्टा भेरिएन्टमा सानो ब्याट्री दिइनेछ भने जेटा र अल्फा भेरिएन्टमा ठुलो ब्याट्री उपलब्ध हुनेछ ।

सो ब्याट्रीलाई डीसी फास्ट चार्जरमार्फत १० प्रतिशतदेखि ८० प्रतिशतसम्म चार्ज गर्न ४५ मिनेट लाग्नेछ। साथै ७ किलोवाटको सिंगल-फेज एसी चार्जर प्रयोग गर्दा सानो ब्याट्री ९ घण्टामा र ठुलो ब्याट्री ६.५ घण्टामा पूर्ण चार्ज हुने जानकारी दिइएको छ।

ई-भिटारामा सिंगल मोटर फ्रन्ट ह्विल ड्राइभ कन्फिगरेसन हुनेछ। डेल्टा भेरिएन्टको मोटरले १०५.८ किलोवाट पावर र १९२.५ एनएम टर्क दिनेछ भने अन्य भेरिएन्टमा यो पावर १२८ किलोवाट हुनेछ। यसको टप स्पिड १५० किलोमिटर प्रतिघण्टा हुनेछ । रिपोर्टका अनुसार सानो ब्याट्री भएको भेरिएन्टले करिब ४०० किलोमिटरको र ठुलो ब्याट्री भएकोले ५०० किलोमिटरभन्दा बढीको रेन्ज दिनेछ।

मारुती सुजुकीले सो मोडल सेप्टेम्बर २०२५ भित्र बजारमा ल्याउने लक्ष्य राखेको छ।