सुजुकी कारमा बढ्यो वारेन्टि अवधी

मारुती सुजुकीले आफ्नो सबै कारमा वारेन्टि अवधी बढाएको छ । यसअघि २ वर्ष अर्थात ४० हजार किलोमिटर वारेन्टि दिँदै आएको कम्पनीले यसलाई बढाएर ३ वर्ष अर्थात १ लाख किलोमिटर पुर्याएको हो । वढेको वारेन्टि अबधी भारतमा आजैदेखी लागु हुने जनाइएको छ ।

स्ट्यान्डर्ड वारेन्टिको साथै सुजुकीले विस्तारित वारेन्टिको अवधी समेत बढाएको छ । कम्पनीले विभिन्न प्याकेजमा विस्तारित वारेन्टि दिने जनाएको हो । सबैभन्दा बढी ६ वर्ष अर्थात १ लाख ६० हजार किलोमिटरको प्याकेज, ४ वर्ष अर्थात १ लाख २० हजार किलोमिटरको प्लाटिनम र ५ वर्ष अर्थात १ लाख ४० हजार किलोमिटर भएको रोयल प्लाटिनम प्याकेज समेत उपलब्ध हुनेछ । साथै, ११ वटा उच्च मूल्य पर्ने पार्ट्समा समेत विस्तारित वारेन्टि दिइने कम्पनी भनाई छ ।

भारतमा हाल टोयोटा,हुन्डाई र टाटा लगायत ब्राण्डले स्ट्यान्डर्ड वरेन्टिका रुपमा आफ्नो सबै कारमा ३ वर्ष अर्थाता १ लाख किलोमिटर वारेन्टि दिँदै आएका छन् । भारतमा लागु भएको यो नयाँ प्रवधान आगामी दिनमा नेपाली बजारमा समेत लागु हुनेछ ।