टोयोटाले इलेक्ट्रिक कारका लागि म्यानुअल गियरबक्स बनाउने

जापानी कार निर्माता कम्पनी टोयोटाले यसको डिजाइन र प्रविधिको सुरक्षा गर्न धेरै पेटेन्ट गरेको छ, जसमा ब्याट्री–इलेक्ट्रिक मोटर र तीन–प्याडल लेआउटको साथ एच–प्याटर्न म्यानुअल ट्रान्समिशन समावेश छ । जुन २१, २०२१ मा जापानी कार निर्माताले संयुक्त राज्य पेटेन्ट र ट्रेडमार्क कार्यालयमा कुल ८ प्याटेन्टहरू दायर गरेको छ ।

ईभी ड्राइभ गर्दा म्यानुअल आईसीई कार जस्तो अनुभव प्राप्त गर्न जापानी कार निर्माता टोयोटाले एउटा प्रविधि ल्याएको छ । जसले ईभीलाई चलाउन एच–प्याटर्न म्यानुअल गियरबक्स र क्लच प्याडलको उपयोग गर्छ । इलेक्ट्रिक सवारीमा एक्सिलेटर, ब्रेक, क्लच, गियरबक्स र ह्विल स्पिड सेन्सरहरूबाट संकेत दिन्छ । यसको साथै यसले सफ्टवेयरको मद्दतले अन्य सेन्सर र प्रविधिहरू नियन्त्रण गर्छ ।

इलेक्ट्रिक सेन्सरको मद्दतले पेट्रोल वा डिजेलबाट चलेको अनुभव दिने इलेक्ट्रिक मोटरको पावर सप्लाई र टर्क विशेषताहरूलाई मोड्युलेट गछ । पेटेन्ट आवेदनको समयमा संयन्त्रको कामको वर्णन गर्नका लागि स्युडो–गियरशिफ्ट, स्युडो क्लच प्याडल र स्युडो इन्जिन स्पिड मिटर जस्ता शब्दको प्रयोग गरिन्छ । आवेदनमा क्लच फिल, सवारी रोक्ने, हिल स्टार्ट र रिभर्सिङ जस्ता मापदण्डहरूलाई पनि ध्यानमा राखिएको छ ।

इलेक्ट्रिक भविष्यमा म्यानुअल ट्रान्समिसनले नगण्य भूमिका खेल्नेछ साथै टोयोटाले म्यानुअल रूपमा गियरहरू परिवर्तन गर्न रुचाउनेहरूलाई खुसी पार्न कदम चालेको छ । टोयोटाका इन्जिनियरहरूले इलेक्ट्रिक सवारी साधनको लागि आईसीई म्यानुअल निर्माण गर्नेछ । तर कारको आवाज भने अपरिवर्तन हुनेछ । यसको कमीलाई पूरा गर्न केही निर्माताहरूले पहिले नै साधनमा स्पिकरको मार्फत नक्कली एक्जस्ट आवाज दिनेछ ।