आसार ३ देखी ६ गतेसम्म पाँचौ ‘म्यांगो राइड २०२२’ आयोजना हुने

दि हिमालयन मोटरसाइकल एक्स्पेरियन्सले पाँचौ म्यांगो राइड २०२२ आयोजना गर्ने भएको छ । आँपको मूख्य सिजन मानिने असार महिनाको शूरुवाती दिनमै अयोजना हुन गैरहेको यो राइडमा ५० बढी राइडरले सहभागीजता जनाउने छन् ।

राइडको मुख्य उद्देश्य आन्तरिक पर्यटन पर्वद्धनमा टेवा पुर्याउनु रहेको कम्पनीले बताएको छ । ४ दिनसम्म चल्ने उक्त राइडको प्रमुख आकर्षण सप्तरीको म्याङगो फार्म रहेको छ । उक्त वगैंचामा राइडरले आफूले सक्नेजति आँप खान र घरमा ल्याउन पाउनेछन् ।

काठमाडौंबाट शुरु हुने सो राइडको पहिलो गन्तव्य लाहनका लगाी निर्धारण गरिएको छ । उक्त गन्तव्यसम्म पुग्न राइडरले २६१ किलोमिटर यात्रा गर्नेछन् । दोस्रो दिन १४४ किलोमिटर यात्रा गरेर धनकुटाको नाम्जे पुग्ने र तेस्रो दिन नाम्जेदेखी सिन्धुलीगढीसम्मको २६१ किलोमिटर यात्रा तय गरिनेछ ।

उक्त राइडको अन्तिम दिन सिन्धुलीगढीबाट १४४ किलोमिटर यात्रा गर्दै राइडहरु काठमाडौं फर्किएपछि सो राइडको समापन हुनेछ । राइडमा सहभागी हुन ९ हजार हाराहारी खर्च हुने आयोजक कम्पनीले बताएको छ ।