अटोमेटिक पार्किङ भएको महिन्द्राको नयाँ बीई ६ई इलेक्ट्रिक एसयूभी चर्चामा

महिन्द्राको नयाँ बीई ६ई इलेक्ट्रिक एसयूभी बजारमा आएको छ । कम्पनीको सो इलेक्ट्रिक एसयूभी धेरै फिचरले सुसज्जित छ जसले यसलाई सेगमेन्टका अन्य इलेक्ट्रिक कार भन्दा फरक बनाउँछ। अहिले सामाजिक सञ्जालमा सो एसयूभीको अटोमेटिक पार्किङ फिचर निकै भाइरल भइरहेको छ ।

कम्पनीले यसलाई अटोमेटिक वा मोबाइल पार्किङ फिचर नाम दिएको छ । सो फिचर सक्रिय हुँदा कारको ३६० डिग्री क्यामेराको मद्दतले चारैतिर स्क्यान गर्छ । त्यसपछि कार आफैले पार्किङ स्थल खोज्न थाल्छ । कारले पार्किङ स्थल खोज्ने बित्तिकै कारको स्टेयरिङ स्वतः घुम्छ र पार्किङ सुरु हुन्छ। यसका लागि कार धेरै पटक अगाडि र पछाडि सर्छ। यो फिचर मोबाइलको सहयोगमा पनि चलाउन सकिन्छ ।

महिन्द्रा बीई ६ईमा बीईको लोगो, एलईडी डेटाइम रनिङ ल्याम्प्स, एलईडी प्रोजेक्टर हेडल्याम्प, एलईडी कनेक्टेड टेललाइट, स्टिपली-रेक गरिएको रूफलाइन, इन्टिग्रेटेड रियर स्पोइलर, फ्लोटिङ फ्रन्ट स्पोइलर, हाई बेल्टलाइन, पियानो ब्ल्याक ह्विल आर्च २०- क्ल्याडिङ र एरो इन्सर्टहरू सहित २० इन्चको अलोय ह्विल समावेश छ।

कारमा ड्युअल इन्टिग्रेटेड स्क्रिन, ड्युअल स्पोक स्टेयरिङ ह्विल र ग्लास रुफ समावेश छ। यसको हाइलाइटमा एयरक्राफ्ट थ्रस्टर-जस्तो ड्राइभ सिफ्टर र सेन्ट्रल कन्सोल माथिको सेन्ट्रल स्पार समावेश छ । यसमा वायरलेस चार्जिङ र एड्भान्स ड्राइभर असिस्टेन्स सिस्टम जस्ता फिचर उपलब्ध छ ।

सेफ्टीका लागि सो एसयूभीमा ७ एयरब्याग, सबै यात्रुका लागि ३ पोइन्ट सिट बेल्ट, ३६०-डिग्री क्यामेरा र लेभल-२ एडीएएस समावेश छ। यसमा ५९ किलोवाट र ७९ किलोवाटको दुई वटा ब्याट्री प्याक रहेको छ । कम्पनीले सो कार प्रति चार्ज ६८२ किलोमिटरको रेन्ज प्रदान गर्ने दाबी गरेको छ ।