महिन्द्रा एक्सयुभी ७०० को नयाँ सेफ्टी फिचर : चालक निदाएपछि दिनेछ सावधान सूचक सन्देश

महिन्द्राको नयाँ प्रिमियम एसयूभी एक्सयुभी७०० आधिकारिक रुपमा डेब्यू गर्ने भएको छ । कम्पनीले हरेक हप्ता सो एसयूभीको नयाँ टिजर भिडियो सार्वजनिक गरिरहेको छ । जसमा यसको सेगमेन्ट–फर्स्ट फिचर खुलासा गर्ने गरेको छ । हालै जारी गरिएको एसयुभीको नयाँ टिजर अनुसार चालक ड्राइभ गर्दा गर्दै निदाएमा सो एसयूभीले नोटिस गरी चालकलाई धक्का दिने फिचर समावेश गरिएको छ ।

कम्पनीले महिन्द्रा एक्सयूभी७०० मा अटो बुस्टर हेडल्याम्प, सेगमेन्टको सबैभन्दा ठूलो प्यानोरमिक सनरूफ, स्मार्ट ह्यान्डल र व्यक्तिगत सुरक्षा सतर्कता रहेको छ । तीन पंक्ति एसयूभी मर्सिडिज बेन्जबाट प्रेरित डुअल स्क्रिन इन्फोटेनमेन्ट सिस्टम र इन्स्ट्रयुमेन्ट, लामो दुरीको लागि हेडल्याम्प बिम, इलेक्ट्रोनिक पार्किङ ब्रेक, ड्राइभ मोड, वायरलेस कनेक्टिभिटी, एडीएएसका साथै अन्य फिचर पनि समावेश गरिएको छ ।

सो एसयूभीमा आकर्षक ग्रिल, नयाँ एलईडी डीआरएलको साथमा नयाँ डिजाइनको सी आकारको हेडल्याम्प, स्मार्ट ह्यान्डल र एलईडी टेलल्याम्प समावेश गरिएको छ । यो गाडी ६ र ७ सिट कन्फिगरेसनको साथमा उपलब्ध हुनेछ । यसको ६ सिटर एडिसनलाई आउँदो वर्ष नयाँ जेनेरेसनको महिन्द्रा एक्सयूभी५०० को रूपमा पेश गर्ने सम्भावना रहेको छ । नयाँ ५ सिटर एक्सयूभी५००, हुन्डाई क्रेटा, किया सेल्टोस, स्कोडा कुशांक र फक्सवागनको टाइगुनसँग प्रतिस्पर्धा गर्नेछ ।

महिन्द्रा एक्सयूभी७०० मा पेट्रोल र डिजेल इन्जिनको विकल्प रहेको छ । एक्सयूभी७०० पेट्रोल भेरिएन्टमा नयाँ २.०एल टर्बोचार्ज्ड मोटर समावेश गरिएको छ, जसले २०० बीएचपी पावर जेनेरेट गर्छ । सो एसयूभीको डिजेल भेरिएन्टमा २.२ एल एमहर्क युनिट रहेको छ, जसले १८५ बीएचपीको पावर जेनेरेट गर्छ ।