अब महिन्द्रा एक्सयूभी ७०० : प्रिमियम फिचर सहित लन्च हुँदै महिन्द्राको नयाँ एसयूभी

महिन्द्राले बुधबार ग्लोबल एसयूभी प्रोजेक्टको नाम घोषणा गरेको छ जसको कोडनेम डब्ल्यु६०१ राखिएको थियो । कम्पनीको लेटेस्ट एसयूभीको नाम महिन्द्रा एक्सयूभी ७०० हुनेछ । यसलाई ‘महिन्द्रा एक्सयूभी सेभेन डबल ओ’ नामले उच्चारण गरिने छ ।

सो एसयूभी २०२२ मा लन्च गर्ने सम्भावना रहेको छ । एक्सयूभी ७०० महाराष्ट्रको चाकनमा कम्पनीको प्लान्टमा निर्माण गरिनेछ । कम्पनीले सो एसयूभीको नाम भिडियो मार्फत खुलासा गरेको थियो ।

नयाँ एसयूभी महिन्द्रा एक्सयूभी ७०० कम्पनीको पोर्टफोलियोमा फ्ल्यागसिप मोडल महिन्द्रा अल्टुरस जी४ एसयूभी भन्दा तल राखिएको छ । यद्यपि हाल उपलब्ध एक्सयूभी ५०० कार उपलब्ध हुन्छ हुँदैन भन्ने जानकारी दिइएको छैन । यदि एक्सयूभी ५०० को निर्माण जारी भए महिन्द्राको एक्सयूभी ७०० एसयूभीलाई एक्सयूभी ५०० भन्दा माथि राखिनेछ ।

महिन्द्रा एक्सयूभी ७०० डिजेल र पेट्रोल इन्जिनमा उपलब्ध हुनेछ । साथै सो एसयूभीमा म्यानुअल र अटोमेटिक ट्रान्समिसनको विकल्प हुनेछ । सो एसयूभीको टप स्पेक भेरिएन्टलाई अल ह्वील ड्राइभको साथमा प्रस्तुत गरिनेछ ।

सो एसयूभीमा लेटेस्ट साईफाई टेक्नोलोजी, विश्व स्तरीय सेफ्टी फिचर र सो सेगमेन्टमा पहिलो पटक उपलब्ध हुने फिचर हुनेछ । भारतीय बजारमा लन्चिङ पछि सो एसयूभी टाटा सफारी र एमजी हेक्टर प्लससँग प्रतिस्पर्धा गर्नेछ । हाल उपलब्ध एक्सयूभी ५०० को तुलनामा एक्सयूभी ७०० ठूलो एसयूभी हुनेछ ।