खुलासा : महिन्द्रा एक्सयूभी ७०० को टचस्क्रिनमै चल्ने छ फिल्म

महिन्द्राले आगामी दिनमा बजारमा ल्याउने तयारी गरेको नयाँ एसयूभीको नाम एक्सयूभी ७०० हुने समाचार पहिले नै सार्वजनिक भएको थियो । हालै एक भिडियोमार्फत एक जानकारी सार्वजनिक भएको बताइएको छ, जसमा यसको टचस्क्रिन इन्फोटेनमेन्ट सिस्टममा भिडियो हेरिरहेको देखिएको छ ।

महिन्द्राको सो एसयूभीको इन्टेरियरको वारेमा पहिलो पटक जानकारी बाहिर आएको हो । यो वाहेक यसको इन्टेरियर र अन्य कुनै पनि फिचरको वारेमा भने जानकारी सार्वजनिक भएको छैन ।

कम्पनीको लेटेस्ट एसयूभीको नाम महिन्द्रा एक्सयूभी ७०० हुनेछ । यसलाई ‘महिन्द्रा एक्सयूभी सेभेन डबल ओ’ नामले उच्चारण गरिने छ ।

सो एसयूभीमा लेटेस्ट साईफाई टेक्नोलोजी, विश्व स्तरीय सेफ्टी फिचर र सो सेगमेन्टमा पहिलो पटक उपलब्ध हुने फिचर हुनेछ । भारतीय बजारमा लन्चिङ पछि सो एसयूभी टाटा सफारी र एमजी हेक्टर प्लससँग प्रतिस्पर्धा गर्नेछ । हाल उपलब्ध एक्सयूभी ५०० को तुलनामा एक्सयूभी ७०० ठूलो एसयूभी हुनेछ ।

सो एसयूभी आगामी अक्टोबर महिनामा लन्च हुने सम्भावना छ । यद्यपि कम्पनीले भने आधिकारिक रुपमा यसको वारेमा केही जानकारी दिएको छैन ।