अब महिन्द्रा एक्सयूभी ४०० ईभी फेसलिफ्टको लागि तयारी हुँदै, नेपालमा परीक्षण चल्दै

महिन्द्राले एक्सयूभी ३एक्सओ लन्च गरेपछि एक्सयूभी ४०० ईभीको फेसलिफ्ट संस्करण पनि चाँडै लन्च गर्ने तयारी गर्दैछ । रिपोर्टका अनुसार यसका लागि कम्पनीले होमोलोगेशन दस्ताबेजको जानकारी खुलाएको छ।

रिपोर्टका अनुसार फेसलिफ्ट भेरिएन्टमा हालको भेरिएन्टमा जस्तै एलजीसी सेल ब्याट्री ३४.५ किलोवाट र ३९.४ किलोवाट क्षमताको विकल्प प्रदान गरिनेछ। साथै तेस्रो विकल्पका रूपमा ३९.४ किलोवाट क्षमताको फरासिस सेलको विकल्प पनि उपलब्ध गराइनेछ । यसमा जडान गरिएको मोटरले १५० पीएसको पावर जेनेरेट हुनेछ । यसलाई एक पटक चार्जमा ४५६ किलोमिटरसम्मको रेन्ज प्रदान गर्नेछ र यसको टप स्पिड १५० किलोमिटर प्रतिघण्टासम्म हुनेछ ।

यसको लम्बाइ ४२०० एमएम, चौडाई १८२१ एमएम र उचाई १६३४ एमएम हुनेछ । यसको ह्विलबेस २६०० एमएमको हुनेछ । कम्पनीले एक्सयूभी ४०० ईभीको फेसलिफ्ट संस्करणमा इसीएल, इसीएल(ओ), इसीएलएल, इसीएलएल (ओ), इएलएलएच, इएलएलएच(ओ), इएल पीएच र इएल पीएच(ओ) गरी ८ भेरिएन्ट प्रस्तुत गर्नेछ ।

कम्पनीले एक्सयूभी ४०० ईभी फेसलिफ्टमा धेरै फिचर थप्नेछ। यसमा नयाँ हेडलाइट, एलईडी डीआरएल, १७ इन्च अलोय ह्विल, रियर कनेक्टेड टेल लाइट, लेभल-२ एडीएएस, प्यानोरामिक सनरुफ, इन्फोटेनमेन्ट सिस्टम, ६ एयर ब्याग, कनेक्टेड फिचर जडान गर्नेछ । साथै, सफ्ट टच फिचर पनि केही भेरिएन्टमा प्रदान गर्न सकिनेछ ।

भारतमा गत वर्ष देखि नै उपलब्ध भए पनि नेपाली बजारमा भने महिन्द्रा एक्सयूूभी ४०० ईभी हालै मात्र परीक्षण भइरहेको छ । कम्पनीले यसको वारेमा आधिकारिक जानकारी भने अझै सार्वजनिक गरेको छैन । आगामी बजेट सार्वजनिक भए पश्चात मात्र यो गाडी बिक्रीका लागि नेपाली बजारमा उपलब्ध हुने अनुमान गर्न सकिन्छ ।