टर्बो पेट्रोल इन्जिन सहित थप शक्तिशाली महिन्द्रा एक्सयूभी३०० लन्च

महिन्द्रा एण्ड महिन्द्राले आफ्नो लोकप्रिय सब–कम्प्याक्ट एसयूभी महिन्द्रा एक्सयूभी३०० थप शक्तिशाली टर्बो पेट्रोल इन्जिनसहित लन्च गरेको छ । महिन्द्रा एक्सयूभी३०० डब्ल्यु६, डब्ल्यु८ र डब्ल्यु८ ओ गरी ३ ट्रिममा उपलब्ध छ । यसको मूल्य १० लाख ३५ हजार देखि १२ लाख ९० हजार भारु सम्म छ ।

महिन्द्रा एक्सयूभी३०० टीजीडीआई ११९७ सीसी, ३ सिलिन्डर टर्बोचाज्ड पेट्रोल इन्जिनको साथमा लन्च गरिएको हो । सो इन्जिन ४ भल्व र ड्युअल भीभीटी टेक्नोलोजीमा उपलब्ध छ । यसको इन्जिनले १५०० देखि ३७५० आरपीएममा २३० बीएचपीको टर्क जेनेरेट गर्छ ।

सो एसयूभीमा ट्रान्जिएन्ट ओभर बुस्ट फंक्शनको साथमा टर्क आउटपुटलाई २५० सम्म बढाउन सकिन्छ । एसयूभीले ५ सेकेन्डमा ० देखि ६० किमी प्रतिघण्टाको गति लिन सक्छ र ६ स्पिड म्यानुअल गियरबक्ससँग जोडिएको छ ।

सो एसयूभीको क्याबिनमा रातो रङ र क्रोम फिनिस पेडलसहितको कालो रङले इन्टेरियरमा सुसज्जित गरिएको छ । यसमा एन्टि–पिन्च फक्शनको साथ इलेक्ट्रिक सनरुफ, ड्युअल–जोन अटोमेटिक एयर–कन सिस्टम, रेन–सेन्सिङ वाइपर, अटो हेडल्याम्प, प्रिमियम लेथरेट अपहोल्स्ट्री, पुश बटन स्टार्टको साथ किलेस इन्ट्रि र ७ इन्चको टचस्क्रिन सिस्टम, एप्पल कारप्ले र एन्ड्रोइड जस्ता फिचर रहेको छ ।