यस्तो हुनेछ महिन्द्रा एक्सयूभी ३०० फेसलिफ्टको इन्टेरियर र एक्सटेरियर

महिन्द्रा एक्सयुभी ३०० फेसलिफ्टको इन्टेरियर र एक्सटेरियरमा उपलब्ध हुने थप विवरणहरु बाहिर आएको छ । भारतमा परिक्षणका दौरान सो एसयूभीको महत्वपूर्ण फिचरहरु बाहिर आएको हो ।

सो एसयूभी हल्का बेज अपहोल्स्ट्रीसहितको डुअल टोन इन्टेरियरमा आउने निश्चित भएको छ । यसमा नयाँ ३–स्पोक स्टेयरिङ ह्वील र ठूलो टचस्क्रिन इन्स्ट्रुमेन्ट कन्सोल लगायत फिचर उपलब्ध हुने देखिएको छ ।

साथै यसमा डिजिटल इन्स्ट्रुमेन्ट क्लस्टर र इलेक्ट्रिक सनरुफ पनि उपलब्ध हुने अपेक्षा गरिएको छ । परीक्षण कारमा इलेक्ट्रोनिक पार्किङ ब्रेक, अगाडि र पछाडि केन्द्र आर्मरेस्ट लगायत सबै सिटहरूको लागि थ्री–पोइन्ट सीट बेल्ट दिइइएको छ ।

महिन्द्राले बाहिरी भागमा केही कस्मेटिक परिवर्तनहरू पनि गरेको छ । यसमा बोल्ड देखिने सी आकारको डेटाइम रनिङ लाइट र पुनः डिजाइन गरिएको एलईडी लाइट पाउन सकिनेछ ।

यसको इन्जिन र पावरट्रेन भने पुरानै मोडलबाट लिइने हुँदा सो फेसलिफ्ट मोडल पनि १.२–लिटर टर्बो–पेट्रोल र १.५–लिटर डिजेल इन्जिन विकल्पका साथ म्यानुअल र अटोमेटिक ट्रान्समिसनमा उपलब्ध हुनेछ ।