नेपालमा २० लाख देखि १ करोड १० लाख सम्मका महिन्द्रा गाडी उपलब्ध, यस्तो छ मूल्य सूची

काठमाडौं – नेपाली बजारमा महिन्द्राका गाडीहरु अग्नि इन्कर्पोरेटेड प्रालिले बिक्री–वितरण गरिरहेको छ । नेपाली बजारमा महिन्द्राका सिंगल क्याब र डबल क्याब पिकअप तथा एसयूभी टाइपका सवारी साधनहरु उपलब्ध छन् ।

सिंगल क्याब पिकअपको रुपमा महिन्द्रा बोलेरो म्याक्सी ट्रक र पिकअप जस्ता सवारी साधन उपलब्ध छन् । बोलेरोको मूल्य २० लाख ३५ हजार देखि २६ लाख रुपैयाँ सम्म छ ।

त्यसैगरी डबल क्याब पिकअपको रुपमा महिन्द्रा बोलेरो र स्कोर्पियो छन् । नेपाली बजारमा ३१ लाख २० हजार सम्मका डबल क्याब बोलेरो छन् भने स्कोर्पियोको मूल्य ४३ लाख देखि ५० लाख रुपैयाँ सम्म छ ।

महिन्द्रा स्कोर्पियो एसयूभी समेत ७, ८ र ९ सिटरमा उपलब्ध छ । यसको मूल्य ५६ लाख ५० हजार देखि ७७ लाख रुपैयाँ सम्म छ ।

महिन्द्राका अन्य एसयूभी एक्सयूभी ३०० र एक्सयूभी ७०० हुन् । एक्सयूभी ३०० को मूल्य ४२ लाख ९५ हजार देखि ६० लाख रुपैयाँ सम्म छ ।

एक्सयूभी ७०० हालै मात्र नेपाली बजारमा भित्रिएको हो । यसको मूल्य ७४ लाख देखि १ करोड १० लाख रुपैयाँ सम्म छ ।