महिन्द्राको इलेक्ट्रिक थ्रि ह्विलरमा ४० हजारसम्म नगद छुट, देश भरका सोरुममा एक्सचेन्ज मेला

काठमाडौं– महिन्द्रा एण्ड महिन्द्रा (लास्ट माइलमोबिलिटी) को ट्रियो र यारी इलेक्ट्रिक अटोको खरिदमा ग्राहकले ४० हजार रुपैयासम्म नगद छुट पाउने भएका छन् । नेपालका लागि आधिकारिक विक्रेता अग्नी इनर्जी प्रालिले आइतवार थप तीनवटा नयाँ बिक्री केन्द्रको शुभारम्भ गर्दै यस्तो घोषणा गरेको हो । यो योजना फेव्रुअरी महिनाभर लागु हुने कम्पनीले वताएको छ ।

कम्पनीले दमक, भैरहवा र नेपालगंजमा नयाँ सोरुम विस्तार गर्दै नगद छुट र एक्सचेन्ज मेलाको घोषणा गरेको हो । यी नयाँ सोरुम सहित अग्नी इनर्जीको देशभर १२ वटा नेटवर्क विस्तार भएकोे छ । अग्नी इनर्जीले यसअघि बिर्तामोड, विराटनगर, इटहरी, सिन्धुली, मलंगवा, हेटौंडा, नारायणघाट, बुटवल र सुर्खेतबाट इलेक्ट्रिक थ्री ह्विलरको बिक्री गर्दै आइरहेको थियो ।

नगद छुटको यो नयाँ योजनाले ग्राहकलाई राहत दिने र नयाँ इलेक्ट्रिक थ्री–ह्विलर अटो ट्रियो र यारीको को प्रयोगले उद्यमशीलतामा टेवा पुर्याउने कम्पनीको वुझाई छ । साथै मेलाबाट पुराना तथा नयाँ ग्राहकले अधिकतम लाभ लिन सक्ने अपेक्षा कम्पनीले राखेको छ ।

महिन्द्राका यी इलेक्ट्रिक थ्री ह्विलरमा एड्भान्स लिथियम आयोन टेक्नोलोजिबाट निर्मित व्याट्री जडान गरिएका कारण गाडीको पर्फमेन्स उत्कृष्ट रहने दावी गरिएको छ । कम्पनीले विक्री गर्दै आइरहेको ट्रियो अटोलाई तीन घन्टा ५० मिनेटमा चार्ज गर्दा १३० किलोमिटर र यारीलाई २ घन्टा ३० मिनेटमा चार्ज गर्दा ८५ किलोमिटर रेन्ज दिने कम्पनीको भनाई छ ।

यी इलेक्ट्रिक अटोमा क्रमश तीन वर्ष अर्थात ८० हजार किलोमिटर र तीन वर्ष अर्थात ४० हजार किलोमिटर वारेन्टि दिइएको छ ।