महिन्द्राले एक्सईभी ७ई इलेक्ट्रिक एसयूभी २०२५ मा लन्च गर्ने, ५०० किमी रेन्जको अपेक्षा

महिन्द्राले एक्सईभी ७ई इलेक्ट्रिक एसयूभी लन्च गर्ने तयारी गरिरहेको छ । सम्भवतः सो इलेक्ट्रिक एसयूभी अप्रिल २०२५ मा भारतमा लन्च हुने अपेक्षा गरिएको छ ।  यसको मूल्य २१ लाखदेखि ३० लाख भारुसम्म हुने अनुमान गरिएको छ ।

सो इलेक्ट्रिक एसयूभी ७ सिटको हुनेछ र यसलाई इङग्लो प्लेटफर्ममा निर्माण गरिनेछ। यसको डिजाइन महिन्द्राको एक्सयूभी७०० सँग मिल्दोजुल्दो छ, तर यसमा इलेक्ट्रिक सवारीको लागि विशेष परिवर्तन गरिएको छ ।

यसमा १२.३ इन्चका तीन वटा डिजिटल ड्राइभर डिस्प्ले, इन्फोटेनमेन्ट र को-प्यासेन्जर डिस्प्ले हुनेछ । साथै, प्यानोरामिक सनरूफ, पावर्ड र भेन्टिलेटेड सिट, वायरलेस चार्जिङ, ड्युअल-स्पोक स्टेयरिङ ह्विल, टायर प्रेशर मोनिटरिङ सिस्टम र लेभल २ एडभान्स ड्राइभर असिस्टेन्स सिस्टम जस्ता फिचर पनि समावेश हुनेछ।

नयाँ एक्सईभी ७ई मा ५९ किलोवाट र ७९ किलोवाट आवर ब्याट्री विकल्प उपलब्ध हुनेछ । यसको ५९ किलोवाट ब्याट्रीले २३१ पीएस पावर र ३८० एनएम टर्क उत्पादन गर्नेछ भने ७९ किलोवाट ब्याट्रीले २८६ पीएस पावर र ३८० एनएम टर्क दिनेछ। यसले एक पटकको चार्जमा ५०० किलोमिटरभन्दा बढी रेन्ज दिने अपेक्षा गरिएको छ।

नेपालमा यसको उपलब्धता र मूल्यबारे हालसम्म आधिकारिक जानकारी उपलब्ध छैन । तर, भारतमा लन्च भएपछि केही समयमै नेपाली बजारमा पनि सो गाडी उपलब्ध हुने सम्भावना छ।