एसयूभी बिक्री र सर्भिसका लागी महिन्द्राको ‘नेक्स्ट–जेन शोरुम’, यस्तो हुनेछ विशेषता

महिन्द्राले आफ्नो बिक्री र सेवा अनुभवलाई परिष्कृत गर्दै नेक्स्ट–जेन शोरुमा लन्च गर्ने भएको छ । नयाँ शोरुममा ईभीसंगै आईसिई रेन्जका सम्पूर्ण एसयूभी उपलब्ध हुने जनाइएको छ ।

महिन्द्राको नेक्स्ट–जेन रिटेल आउटलेटहरू हार्टकोर डिजाइन फिलोशपीबाट प्रेरित रहने बताइएको छ । कम्पनिका अनुसार यी आउटलेटहरूले आकर्षक लाइटका साथ आधुनिक रङ प्यालेट र नवीनतम प्रविधिलाई एकीकृत गर्दछ ।

शोरुममा महिन्द्राको इंग्लो इलेक्ट्रिक ओरिजिन आर्किटेक्चर, एमएआईए आर्टिफिसियल इन्टेलिजेन्स र डल्बी एटमस सहितको १६–स्पीकर हरमन कार्डन साउन्ड सिस्टम प्रदर्शन गरिनेछ । शोरुममा आउने ग्राहकलाई सहयोग गर्न महिन्द्राले प्रिमियम ब्रान्डका ५०० विशेषज्ञलाई खटाउने तयारी गरेको छ ।

बिक्री पछिको सेवा अनुभवलाई बिशेष बनाउन महिन्द्राले विद्युतीय एसयूभीका लागी छुट्टै सर्भिस वे, रिमोट भेहिकल डायग्नोस्टिक्स (आरभिडी) र ब्याट्री मर्मत केन्द्रहरू समेत सञ्चालनमा ल्याउने जनाइएको छ ।

साथै, महिन्द्रा रिसर्च भ्याली इन्जिनियरहरूद्वारा समर्थित ४०० जनाको महिन्द्रा टेक विशेषज्ञहरुलाई समेत सर्भिसमा खटाउने तयारी गरेको छ ।