महिन्द्रा थार रक्सको विशेष संस्कण लन्च, मूल्य कति ?

महिन्द्राले थार रक्सको विशेष संस्करण लन्च गरेको छ । स्टार एडिसनको नामले आएको उक्त नयाँ संस्करण पेट्रोल र डिजेल डिजेल भर्सनमा उपलब्ध हुने जनाइएको छ । तीन भेरिएन्टमा उपलब्ध उक्त एसयुभीको सुरुवाती मूल्य १६ लाख ८५ हजार भारु निर्धारण गरिएको छ ।

सो नयाँ एडिसन ट्याङ्गो रेड, एभरेस्ट ह्वाइट, स्टेल्थ ब्ल्याक र नयाँ सिट्रिन एल्लो शेड सहित चारवटा कलर अप्सनमा उपलब्ध हुनेछ । एसयूभीको लुक्सलाई एग्रेसिभ देखाउन ग्लस ब्ल्याक ग्रिल र १९ इन्चको एलोय ह्विल राखिएके छ । एसयुभीको सी पिलरमा विशेष संस्करण ब्याजह समेत राखिएको छ ।

रक्स स्टार एडिसनको इन्टेरियरमा ब्ल्याक लेदर अपहोल्स्ट्री, भेन्टिलेटेड फ्रन्ट सिट, प्यानोरामिक सनरुफ, वायरलेस एन्ड्रोइड अटो र एप्पल कारप्ले सहितको १०.२५ इन्च टचस्क्रिन इन्फोटेनमेन्ट सिस्टम, १०.२५ इन्च डिजिटल इन्स्ट्रुमेन्ट क्लस्टर र हर्मन कार्डन साउन्ड सिस्टमजस्ता फिचर उपलब्ध गराइएको छ ।

एसयुभीमा २.० लिटर टर्बो–पेट्रोल र २.२ लिटर डिजेल इन्जिन जडान गरिएको छ । दुबै इन्जिन ६ स्पीड अटोमेटिक ट्रान्समिसनका साथ उपलब्ध भएपनि डिजेलमा भने ६ स्पीड म्यानुअल ट्रान्समिसनको विकल्प समेत दिइएको छ ।