महिन्द्रा थार ५ डोरमा एडीएएस र सनरुफ लगायत नयाँ फिचर उपलब्ध हुने

महिन्द्रा एण्ड महिन्द्राले अगस्त १५, २०२४ मा ५ डोर थार आर्माडा भारतीय बजारमा पेश गर्ने भएको छ । नयाँ थारको एक्सटेरियर हालको ३ डोर मोडलको तुलनामा केही भिन्नता हुनेछ, जबकि यसको इन्टेरियर नयाँ फिचर र टेक्नोलोजीले सुसज्जित हुनेछ ।

नयाँ थारमा २.० लिटर एमस्टालिओन ४ सिलिन्डर पेट्रोल र २.२ लिटर एमहक ४ सिलिन्डर डिजेल इन्जिन उपलब्ध हुनेछ । दुवै इन्जिनलाई ६ स्पिड म्यानुअल वा ६ स्पिड टर्क कन्भर्टर एटीसँग जोडिनेछ ।

सो एसयूभीको ह्विलबेस लामो हुनेछ र यसको क्याबिनले सबैलाई आकर्षित गर्ने अपेक्षा गरिएको छ । रिपोर्ट अनुसार आगामी थार ड्युअल टोन ड्यासबोर्ड र सेतो अपहोल्स्ट्रीको साथ आउनेछ ।

महिन्द्राको ५ डोर थार कुल ३ देखि ४ भेरिएन्टमा उपलब्ध हुनेछ । यसमा सनरुफ, इलेक्ट्रिकली एडजस्टेबल भेन्टिलेटेड सिट, अटोमेटिक क्लाइमेट कन्ट्रोल, पछाडि एसी भेन्ट र पछाडिका यात्रुहरूका लागि रिडिङ ल्याम्प समावेश हुनेछ ।

यसमा ६ एयरब्याग, एडीएएस, वायरलेस एप्पल कारप्ले र एन्ड्रोइड अटो कनेक्टिभिटीको साथम १०.२५ इन्चको टचस्क्रिन इन्फोटेनमेन्ट सिस्टम, अल डिजिटल इन्स्ट्रयुमेन्ट कन्सोल र रियरभ्यू मिरर भित्र अटो–डिमिङ जस्ता फिचर समावेश हुनेछ । यसको टप स्पेक ट्रिम्समा ४×४ सिस्टम समावेश हुनेछ ।

नयाँ ५ डोर थारमा ३ डोर थारमा जस्तै अपराइट प्रपोर्शन र टल पिलर्स दिइनेछ । यसको प्रारम्भिक मूल्य लगभग १५ लाख भारु भन्दा बढी हुने अपेक्षा गरिएको छ । यो स्कोर्पियो एन जस्तै लेडर फ्रेम च्यासिसमा आधारित हुनेछ ।