नेपालकै पहिलो डिजेल कार्गो भ्यान महिन्द्रा सुप्रो : २०,८०० मासिक किस्तामा उपलब्ध

नेपालकै पहिलो डिजेल कार्गो भ्यान महिन्द्रा सुप्रो सरल किस्ताबन्दिमा खरिद गर्न पाइने भएको छ । महिन्द्रा कमर्सियल भेइकलको नेपालका लागि आधिकारिक वितरक दुगड ब्रदर्स एन्ड सन्सले मासिक २० हजार ८ सय रुपैयाँको किस्ताबन्दिमा यो भ्यान उपलब्ध गराउँदै आएको छ ।

भ्यानको मूल्य १५ लाख २५ हजार रुपैयाँ पर्छ । बैंक तथा वित्तीय संस्थाहरुसँगको सहकार्यमा ६० प्रतिशतसम्म फाइनान्स सुबिधामा यो भ्यान उपलब्ध गराउँदै आइरहेको कम्पनी स्रोतको भनाइ छ ।

कम्पनीका अनुसार यो भ्यान ९०९ सीसी इन्जिन क्षमताको सेग्मेन्टकै पहिलो डिजेल कार्गो भ्यान हो । जसको पेलोड क्षमता ६० किलोग्राम र माइलेज २१ किलोमिटर प्रतिलिटर रहेको छ ।

महिन्द्राको बलियो तथा मजबुत इन्जिन जडान गरिएको हुँदा पर्फमेन्स समेत उच्च रहेको कम्पनीको दावी छ । एक स्थानबाट अर्को स्थानमा हलुका सामान ढुवानी गर्न उपयुक्त मानिने विशेषताका कारण नेपालका सहरी भेगमा कार्गो भ्यान लोकप्रिय मानिन्छ ।

हाल बजारमा मारुती सुजुकी र महिन्द्राले यस्ता साधन उपलब्ध गराउँदै आइरहेका छन् ।