स्कर्पियो बन्यो महिन्द्राको सर्बाधिक बिक्री हुने मोडल, बन्यो नयाँ रेकर्ड

वर्ष २०२४ मा महिन्द्राले आफ्नो लोकप्रिय मोडल स्कर्पियो सबैभन्दा धेरै बिक्री गरेको छ । पहिलोपटक वर्षमा ५ लाखभन्दा धेरै युनिट सवारीसाधन बिक्री गरेर नयाँ रेकर्ड बनाएको कम्पनीले स्कर्पियो मात्रै १ लाख ५४ हजार युनिट बिक्री गरेको हाृे ।

अघिल्लो वर्षको तुलनामा २२ प्रतिशतले बजार बृद्धि गरेको महिन्द्राले वर्ष २०२४ मा कुल ५ लाख २८ हजार ४६० युनिट प्यासेन्जर कार बिक्री गरेको हो । जसमा स्कर्पियोको हिस्सा २८ प्रतिशत हाराहारी छ ।

बोलेरो ९३ हजार ८५० युनिट बिक्रीका साथ दोस्रो सबैभन्दा बढी बिक्रि हुने मोडल बनेको छ भने ८३ हजार ३९० युनिट सहति एक्सयुभी ७०० तेस्रो स्थानमा पर्यो ।

यसैगरी, एक्सयुभी३०० र एक्सयुभी थ्रीएक्सओ ७८ हजार ८२६ युनिट बिक्री हुँदा थार रक्स ६९ हजार ३५४ युनिट बिक्री भयो । एक्सयुभी ४०० ईभीको बिक्री भने जम्मा ७ हजार १८८ युनिटमा सिमित भएको कम्पनीले जनाएको छ ।

भारतिय बजारमा रेकर्ड ब्रेक बिक्री हाँसिल गरेपनि नेपालमा भने महिन्द्राको बिक्री घट्दो क्रममा छ । बिद्युतिय कारको माग बढ्दा नेपालमा महिन्द्रा लगायत अन्य कम्वसन गाडीको समेत बिक्री प्रभावित बनिरहेको छ ।