महिन्द्रा एक्सईभी–९ई टप स्पेकको मुल्य सार्बजनिक

महिन्द्राले गत नोभेम्बरमा सार्बजनिक गरेको बिद्युतिय एसयुभी एक्सईभी–९ई टप स्पेकको मुल्य सार्बजनिक गरेको छ । एक्सईभी–९ई प्याक थ्रीको मूल्य ३० लाख ५० हजार भारु तोकिएको हो । सो ईभीको बुकिङ फेब्रुअरी १४ मा खुल्ने र डेलिभरी मार्च २०२५ मा सुरु हुने जनाइएको छ ।

महिन्द्राको इंग्लो प्लेटफर्ममा आधारित एक्सईभी–९ई ५९ र ७९ किलोवाट आवर क्षमताको ब्याट्री प्याकमा उपलब्ध हुनेछ । जसमध्ये सानो ब्याट्री प्याकले २२८ बिएचपी पावर तथा ३८० एनएम टर्क र ठूलो ब्याट्रीले २८२ बिएचपी पावर एबं ३८० एनएम टर्क जेनेरेट गर्दछ ।

सो नयाँएसयूभीले ६.७ सेकेन्डमा ०–१०० किमी÷घन्टाको स्प्रिन्ट पूरा गर्न सक्ने दाबी गरिएको छ । साथै यसको ७९ किलोवाट आवर ब्याट्री प्याकले ६५६ किमी रेन्ज दिने दाबी गरिएको छ । यसलाई १७५ किलोवाटको डिसी फास्ट चार्जर प्रयोग गरेर २० मिनेटमा २० देखी ८० प्रतिशतसम्म चार्ज गर्न सकिन्छ ।