महिन्द्राको ‘क्विक सर्भिस बे’ सुबिधा बाफलमा समेत विस्तार

काठमाडौं – महिन्द्रा गाडीको सर्भिसिङलाई छिटो छरितो र प्रभावकारी बनाउन बाफलमा ‘क्विक सर्भिस बे’ बिस्तार गरिएको छ । बाफलस्थित आधिकारिक सर्भिस सेन्टर ओम श्री बाराहीमा आजदेखि उक्त सेवा विस्तार गरिएको हो । महिन्द्रा गाडीको सर्भिस तथा स्पेयर पार्ट्स हेर्ने अग्नि ग्रुप अन्तर्गतको छुट्टै कम्पनी बालाजु अटो वर्क्सको आयोजनामा उक्त सर्भिस शुभारम्भ गरिएको कम्पनी स्रोतले बताएको छ । यसप्रकारको सेवालाई पछिल्लो समय कम्पनीले आफ्ना आधिकारिक सर्भिस सेन्टरहरुमा विस्तार गर्दै लगेको छ ।

छिटो सेवा लिन चाहने ग्राहकका लागि ९० मिनेटभित्र गाडी मर्मतसम्भारको काम सम्पन्न गरी डेलिभरी दिने उद्देश्य सहित कम्पनीले छुट्टै युनिटका रुपमा ‘क्विक सर्भिस बे’ सञ्चालन गर्दै आइरहेको छ । जसमा छुट्टै मेकानिक्स र उपकरणहरु उपलब्ध गराइन्छ । यसरी सेवा दिंदा ग्राहकले छिटो छरितो र प्रभावकारी सेवा पाउने कम्पनीको भनाइ छ ।