वोलेरोमा पनि देखियो महिन्द्राको नयाँ ‘ट्विन पिक’ लोगो, फेसलिफ्ट मोडल आउने तयारीमा

महिन्द्राले आफ्नो ब्रान्ड पहिचानलाई नयाँ स्वरुप दिन तयार पारेको 'ट्विन पिक' लोगो वोलेरोमा समेत राखेको छ । भारतीय बजारमा आउने तयारी भैरहेको वोलेरोको फेसलिफ्ट मोडलमा यो नयाँ लोगो लागेको तस्विर अहिले सामाजिक संजालमा सार्वजनिक भैरहेका छन् । ।

हालै लन्च गरिएको स्कर्पियो एनमा आधारित भई अपग्रेड हुन लागेको वोलेरोमा यो नयाँ लोगो निकै नै आकर्षक देखिएको छ । महिन्द्राले हाल एक्सयूभी ७०० र स्कर्पियो एनमा यो लोगो प्रयोग गरिसकेको छ ।

यो फेसलिफ्ट मोडलको ग्रिल र हेडलाइटमा समेत अपग्रेड गर्न लागिएको छ । यो थ्रि रो एसयूभी भारतीय बजारमा निकै नै लोकप्रिय मानिन्छ भने महिन्द्रा एसयूभीको कुल बिक्रीमा यसले एक तिहाई हिस्सा ओगट्दै आएको छ । अघिल्लो वर्षमात्र कम्पनीले युवा पस्तालाई लक्षित गरी यसको नयाँ भर्सन वोलेरो निओ लन्च गरेको थियो ।

नेपाली बजारमा समेत लोकप्रिय यो एसयूभीमा १.५ लिटर टर्वो एमहक ७५ टर्वो डिजेल इन्जिन जडान गरिएको छ । जसको अधिकतम पावर ७५ बिएचपी र टर्क २१० एनएम रहेको छ ।