महिन्द्राले खोल्यो नयाँ ईभी प्लान्ट, ५०० बढी रोबोटले काम गर्ने

दुई नयाँ ईभीलाई हालै सार्बजनिक गरेर चर्चामा आएको महिन्द्राले आफ्नो पहिलो ईभी डेडिकेटेड प्लान्ट उद्घाटन गरेको छ ।
कम्पनीले पुणे नजिकैको चाकनमा ब्याट्री समेत उत्पादन गर्ने गरी सो नयाँ प्लान्ट खोलेको हो । नयाँ लान्टमा बीई ६ र एक्सईभी ९ई जस्ता ब्रान्डको ‘बोर्न इलेक्ट्रिक’ ईभी उत्पादन हुने जनाइएको छ ।

८८ हजार वर्ग मिटरमा फैलिएको सो प्लान्टमा ४ हजार ५०० करोड भारु लगानी गरिएको महिन्द्राले जनाएको छ । सो नयाँ परियोजना सन् २०२२ मै तय गरिएको योजना अनुसार अघि बढाइएको हो ।

जसअनुसार, सन् २०२७ सम्म १६ हजार कारोड भारु लागनी गरेर नयाँ पावरट्रेन, दुई वटा नयाँ ईभी मोडल, सफ्टवेयर तथा प्रबिधीहरु विकास गर्दै उत्पादन क्षमता बढाउने लक्ष्य राखिएको थियो ।

नयाँ प्लान्टमा पूर्ण स्वचालित प्रेस शप, एआई–संचालित बडी शप र रोबोटिक पेन्ट शप जस्ता सुबिधा उपलब्ध गराइएको छ । प्लान्टमा ५०० भन्दा बढी रोबोटले काम गर्ने उल्लेख गरिएको छ ।

महिन्द्राले संसारको सबैभन्दा कम्प्याक्ट ब्याट्री उत्पादन लाइनहरू स्थापना गरेको दाबी गरेको छ । यसले उद्योगले ४.० टेक सहित हिडन सेल टर्मिनल वेल्डिङ प्रयोग गरेर हाई पर्फमेन्स ब्याट्री उत्पादन गर्नेछ । प्लान्टमा रियल–वल्र्ड कन्डिसनमा गरिने परिक्षण सुबधा समेत उपलब्ध हुने जनाइएको छ ।