४ दिनपछि सार्बजनिक हुँदै छ महिन्द्राको इलेक्ट्रिक रिक्सा ’ट्रियो’

महिन्द्रा प्यासेन्जर कारको आधिकारिक बितरक अग्नी ग्रुुपले अबको ४ दिपछि अर्थात कात्तिक ९ गते इलेक्ट्रिक रिक्सा ट्रियोलाई नेपाली बजारमा सार्वजनिक गर्ने भएको छ । अग्नि ग्रुप अन्तर्गतको अग्नि इनर्जीले यो इ–रिक्साको बिक्री बितरण गर्न लागेको हो ।

बिद्युतबाट चल्ने यो रिक्सा मार्फत चालक र यात्रुले आर्थिक बचत, उत्कृष्ट प्रस्तुति, आरामदायी लगायतको विशेषता लिन सक्ने दाबी गरिएको छ । रिक्सामा विन्ड स्क्रिनिङ वाइपर, स्पेयर व्हिल प्रोभिजन, तीनवटा ड्राइभिङ मोड (लो, मिडीयम र हाइ), लकेबल ग्लोभ बक्स, ग्राब ह्याण्डल, १२ भोल्टको सकेट, हजार्ड इन्डिकेटर लगायत सुविधा समावेश गरिएको छ ।

४८ भोल्टको लिथियम आयोन ब्याट्री जडान गरिएको रिक्सा भेरियन्ट अनुसार न्युनतम अढाई घण्टा देखि अधिकतम साढे तीन घण्टामा फुल चार्ज हुनेछ । डाइरेक्ट ड्राइभ ट्रान्समिसन जडान गरिएको यो रिक्साको अधिकतम टर्क ३० एनएमसम्म रहने जनाइएको छ । भेरियन्ट अनुसार यसमा हाइड्रोलिक र मेकानिकल ब्रेक जडान गरिएको छ । यो भिन्न ४ भेरियन्टमा उपलब्ध हुनेछ ।

नेपाली बजारमा हाल बजाज, टिभिएस, पियाजिओ र अतुल ब्रान्डका रिक्सा बिक्री हुँदै आइरहेकोमा ट्रिओ समेत थप भएपछि बजार थप प्रतिस्पर्धात्मक बन्ने देखिएको छ ।