फागुन २२ देखी २७ गतेसम्म महिन्द्रा केयर फेस्ट हुने

यहि फागुन २२ देखी २७ गतेसम्म महिन्द्रा केयर फेस्ट आयोजना हुने भएको छ । महिन्द्रा गाडीको मर्मतसम्भारसंग सम्बन्धित उक्त फेस्टलाई कम्पनीले हरेक बर्ष अयोजना गर्दै आइरहेको छ । यसपटकको फेस्टमा ग्राहकले महिन्द्राको आधिकारिक सर्भिस सेन्टरमा गएर अफूसंग भएको गाडीलाई मर्मतसम्भार गर्दा बिभिन्न छुट र निशुल्क चेकजाँचको सुबिधा पाउनेछन् ।

उक्त कार्यक्रममा ४५ वटा प्वाइन्ट निशुल्क चेक गरिनुको साथै मर्मतसम्भार गर्दा तिर्नुपर्ने लेबर चार्ज निशुल्क गरिएको छ । साथै लुब्रिकेन्ट्स र स्पेयर पार्टसमा १० प्रतिशत छुट, एसेसोरिजमा २५ प्रतिशतसम्म छुट र ग्राहकलाई आकर्षक गिफ्ट ह्याम्परको समेत ब्यावस्था मिलाइएको अग्नी ग्रुप अन्तर्गतको बालाजु अटो वक्र्स स्रोतले बताएको छ ।

यो कार्यक्रम महिन्द्राको प्यासेन्जर कार सेग्मेन्टका गाडीलाई लक्षित गरी गर्न लागिएको हो । कार्यक्रममा सहभागी हुन ग्राहकले फोन र महिन्द्रा ट्रयाक एपमार्फत अग्रिम बुकिङ गराउनुपर्ने छ ।