महिन्द्रा बीई ६ई अब बीई६ नामले चिनिने

महिन्द्राले हालै भारतमा सार्वजनिक गरेको इलेक्ट्रिक एसयूभी बीई ६ईको नाम परिवर्तन गरेको छ । कम्पनीले अब सो कारको नाम बीई ६ राख्ने र त्यसै अनुसार बिक्री गर्नेछ ।

इन्डिगो एयरलाइनको संचालक कम्पनी इन्टरग्लोब एभिएसनका साथ चलिरहेको ट्रेडमार्क विवादका कारण महिन्द्राले यो निर्णय लिएको हो । इन्टरग्लोब एभिएसनले महिन्द्रा बीई ६ईमा प्रयोग गरिएको ६ई को प्रयाग वारेमा ट्रेडमार्क उल्लंघनको आरोप लगाएको थियो । इन्टरग्लोबले दिल्ली हाइकोर्टमा यस वारेमा मुद्दा समेत दर्ता गरेको छ र यसको फैसला डिसेम्बर ९ मा हुने सम्भावना छ ।

गत नोभेम्बर २६ मा भारतीय बजारमा बीई ६ई लन्च भएको थियो । महिन्द्रा इलेक्ट्रिकले एक औपचारिक विज्ञप्तिमार्फत ब्रान्डिङमा त्यस्तो विवाद नभएको बताएको छ । इन्डिगो एक एयरलाइन कम्पनी र महिन्द्रा म्यानुफ्याक्चरिङ कम्पनी भएका कारण त्यस्तो सम्भावना नभएको महिन्द्राको भनाइ छ ।

यद्यपि महिन्द्राको ईभीको नाम ६ई मात्र नभई बीई ६ई भएको समेत बताएको छ । तर पनि कारको नाम परिवर्तन गरिएको कम्पनीको भनाइ छ ।

यो भन्दा पहिले इन्डिगो नाममा पनि टाटा मोटर्ससँग इन्टरग्लोबको विवाद भएको थियो । टाटासँग इन्डिगो कार ब्रान्ड छ भने इन्टरग्लोबले अहिले पनि फरक इन्डष्ट्री र कार ब्रान्डमा इन्डिगोको प्रयोग गरिरहेको छ ।