सडक परिक्षणका क्रममा देखियो नयाँ स्कर्पियो, यसै बर्षको मध्यसम्ममा सार्बजनिक हुने संभावना

आफ्नो लोकप्रिय एसयुभी स्कर्पियोलाई पूर्णत नयाँ अबतारमा उतार्ने तयारी थालेको ३ बर्षपछि अन्तत महिन्द्राले यसैबर्षको मध्यसम्ममा यो नयाँ एसयुभीलाई सार्वजनिक गर्न सक्ने संभावना देखिएको छ । हाल यो एसयुभीको भारतमा सडक परिक्षण भैरहेको छ । यो नयाँ एसयुभी पूर्णत नयाँ एक्स्टेरियर डिजाइन, सुधार गरिएको इन्टेरियर र डिजेल तथा पेट्रोल दुर्ब इन्जिन अप्सनमा उपलब्ध हुने जनाइएको छ ।

नयाँ स्कर्पियो हाल उपलब्ध रहँदै आएको मोडलको तुलनमा केही ठूलो हुने बताइएको छ । पूर्णत नयाँ बडी प्यानलमा आधारित भई निर्माण गरिएको नयाँ स्कर्पियोलाई थप मस्कुलर देखाउन यसको बाहिरी भागमा प्रशस्तै परिमार्जन गरिएको छ ।

इन्टेरियलाई बिलाशी र सुबिधासम्पन्न बनाउन क्याविन भित्र थुप्रै नयाँ फिचर्स थप गरिएको छ । यो नयाँ एसयुभीमा हेमजी हेक्टरमा प्रयोग गरिएको जस्तै भर्टिकल्लि माउन्टेड टचस्क्रिन जडान गरिएको छ । यसको इन्टेरियरमा प्रयोग गरिएका स्टेरिङ ह्विल्स, गियर लिभर र कन्ट्रोल सिस्टम एक्सयुभी ७०० बाट समेत लिइएको छ ।

यसअघि महिन्द्रा थारमा समेत प्रयोग गरिएको अपडेटेड ल्याडर फ्रेम च्यासिसमा आधारित भई उत्पादन गरिएको नयाँ स्कर्पियाको पावर ट्रेन समेत थारसंग मिल्दोजुल्दो हुने देखिएको छ । जसका आधारमा यो एसयुभी २.० लिटर पेट्रोल र २.२ लिटर डिजेल इन्जिनमा उपलब्ध हुन सक्ने देखिएको हो । नयाँ स्कर्पियो म्यानुअल र अटोमेटिक दुबै गियरबक्समा उपलब्ध हुनेछ भने यसको टप स्पेक भेरियन्टमा अल ह्विल ड्राइभ समेत रहनेछ ।