आज लन्च हुँदै प्यानोरामिक सनरुफसहित महिन्द्राको ३एक्सओ

महिन्द्रा एण्ड महिन्द्राले भारतमा सब–४ मिटर एसयूभी सेगमेन्टमा एसयूभी ३एक्सओ लन्च गर्दैछ । लन्च पछि यो कार प्यानोरामिक सनरुफ भएको भारतको पहिलो सब–कम्प्याक्ट एसयूभी हुनेछ । यसले २०.१ किलोमिटर प्रति लिटरको माइलेज दिइनेछ ।

यसमा १०.२५ इन्चको टचस्क्रिन इन्फोटेनमेन्ट सिस्टम, १०.२५ इन्चको डिजिटल ड्राइभर डिस्प्ले, ७ स्पिकर हरमन कार्डन साउन्ड सिस्टम, कनेक्टेड कार टेक्नोलोजी र क्लाइमेट कन्ट्रोल जस्ता फिचर उपलब्ध छ । यसमा कनेक्टेड कार टेक्नोलोजी स्मार्टफोनबाट एसी नियन्त्रण गर्न सक्नेछ ।

सो कार महिन्द्रा एक्सयूभी३०० को फेसलिफ्ट भर्सन हो जसलाई एक्सयूभी३एक्सओ नाममा पेश गरिएको छ । यसको मूल्य ९ लाख भारुबाट सुरु हुनेछ । सो कारले यो सेगमेन्टमा मारुती ब्रेजा, हुन्डाई भेन्यू, किया सोनेट, टाटा नेक्सन, रेनो काइगर, निसान म्याग्नाइट, मारुती सुजुकी स्विफ्ट र टोयोटा अर्बन क्रुजर ट्यागरसँग प्रतिस्पर्धा गर्नेछ ।

सो कारमा हालको संस्करणको तुलनामा धेरै कस्मेटिक र फिचर अपडेट गरिएको छ । कारको फ्रन्ट लुक एकदमै नयाँ रहेको छ । यसको फ्रन्ट ग्रिलमा क्रोम–फिनिस्ड त्रिकोणीय एलिमेन्ट दिइएको छ । साथै फ्याग आकारको एलईडी डीआरएल, प्रोजेक्टर हेडलाइट, फग ल्याम्प, इलेक्ट्रिक सनरुफ र नयाँ डिजाइनको लेयर्ड स्पोक अलोय ह्विल दिइएको छ ।

यसमा १०.२५ इन्चको ड्युअल डिजिटल डिस्प्ले, वायरलेस फोन चार्जिङ र भेन्टिलेटेड फ्रन्ट सिट हुनेछ । कम्पनीले यसमा सेगमेन्ट फस्र्ट प्यानोरामिक सनरुफ सुविधा पनि उपलब्ध गराउन सक्ने अनुमान गरिएको छ । सुरक्षाका लागि यसमा ६ एयरब्याग, इलेक्ट्रोनिक पार्किङ ब्रेक, ३६० डिग्री क्यामेरालगायतका एड्भान्स फिचर उपलब्ध हुनेछ ।

महिन्द्रा एक्सयूभी ३एक्सओ पेट्रोल र डिजेल इन्जिन विकल्पमा उपलब्ध हुनेछ । यसमा १.५ लिटर डिजेल इन्जिन, १.२ लिटर टर्बो पेट्रोल इन्जिन र १.२ लिटर डाइरेक्ट इन्जेक्शन टर्बो पेट्रोल इन्जिन समावेश छ । यद्यपि, कारमा १.२–लिटर टर्बो पेट्रोल टीजीडीआई इन्जिन पनि उपलब्ध गराउन सकिन्छ, जुन ६ स्पिड अटोमेटिक गियरबक्सको साथ आउनेछ ।