निशान म्याग्नाईटमा थपियो नयाँ एडिसन

निशानले आफ्नो लोकप्रिय एसयुभी म्याग्नाइटमा नयाँ एडिसन थप गरेको छ । सो नयाँ एडिसनलाई कम्पनीले ‘कुरो’ नाम दिएको छ । रेगुलर म्याग्नाइटको टप स्पेक एक्सभी ट्रिममा आधारित सो नयाँ एडिसलाई कम्पनीले एमटी, टर्वो एमटी र टर्बो सिभीटी गरी कुल तीनवटा भेरिएन्टमा ल्याएको हो । यसको सुरुवाती मूल्य ८ लाख २७ हजार भारु निर्धारण गरिएको छ ।

जापनिज भाषमा ‘कुरो’ को अर्थ कालो भएजस्तै यो नयाँ एडिसनलाई कम्पनीले पुरै ब्ल्याक थिम दिएर तयार पारेको हो । म्याग्नाइटको लोगो, कुरो लेखिएको ब्याज र ब्रेक क्यालिपर बाहेक यसको ग्रील तथा आसपासको भाग, स्किड प्लेट, रुफ रेल्स, डोर ह्यान्डल, एलोई ह्विल, विन्डो एसेन्ट र हेडलाइटमा दिइएको एसेन्ट लगायत सम्पूर्ण भागमा कालो रङ दिइएको छ ।

यसैगरी, यसको इन्टेरियरमा रुफ लाइनर, सन भाइजर, डोर ह्यान्डल, स्टेरिङ ह्विल र एसी भेन्टको आसपास भागमा ब्ल्याक ट्रिटमेन्ट दिइएको छ । एक्सभी ट्रिममा उपलब्ध भएपनि निशानले यसमा वायरलेस चार्जर र रियर एसी भेन्ट भने एक्सभी प्रिमियमा बाट लिएको छ ।

अन्य फिचरको कुरा गर्नुपर्दा यसमा ८ इन्चको टचस्क्रिन, ३६० डिग्री क्यामेरा, ७ इन्चको डिजिटल इन्स्ट्रयुमेन्ट क्लस्टर र अटोमेटिक क्लाइमेट कन्ट्रोल लगायत फिचर पाउन सकिन्छ ।

सो नयाँ एडिसन १.० लिटर पेट्रोल र १.० लिटर टर्बो पेट्रोल इन्जिनमा उपलब्ध रहेको छ । जसको पावर ७२ एचपी तथा १०० एचपी र टर्क ९६ एनएम तथा १६० एनएम रहेको छ । यी दुवै इन्जिनमा ५ स्पिड म्यानुअल गियरवक्स र सिभीटी को विकल्प पाउन सकिन्छ ।