लेभ्निङ ब्रान्डको इलेक्ट्रिक स्कुटर शोरुम अब जनकपुरमा खुल्दै

काठमाडौं – नेपाली बजारमा विगत ३० वर्ष देखि परिचित बज्र ग्रुप अन्तर्गतको ईभी मोटर्स नेपालले आगामी साउन ५ गते बिहीबार जनकपुरमा शोरुम शुभारम्भ गर्ने तयारी गरेको छ ।

जनकपुर ४ विश्वकर्मा चोक रोडमा अवस्थित इन्द्रेणी अटोमोबाइलले उक्त स्कुटरको शोरुमको कार्य गर्नेछ । सो अवसरमा लेभ्निङका विभिन्न उत्पादन समेत सार्वजनिक गरिने छ ।

मिस इन्टरनेसनल २०१७ विजेता नीति शाह र जनकपुर उपमहानगरपालिकाका मेयर मनोज कुमार साहको हातबाट संयुक्त रुपमा उक्त शोरुम उद्घाटन गर्ने तयारी भएको इन्द्रेणी अटोमोबाइलका संस्थापक रामनाथ साहले बताए । सो अवसरमा ईभी भेइकल अभियन्ता तथा बज्र ग्रुपका असिष्टेन्ट जनरल म्यानेजर एन.के. शरदको समेत सहभागिता रहने छ । सो अवसरमा जनकपुरलाई इलेक्ट्रिक भेइकल सहर समेत घोषणा गरिने छ ।

लामो समय देखि विश्व प्रसिद्ध ब्रान्ड बोसको टेक्नोलोजीबाट निर्मित, सामसुङ ब्रान्डको लिथियम आयोन ब्याट्री प्रयोग भएको लेभ्निङका इलेक्ट्रिक स्कुटर गुणस्तरीय भएको कम्पनीको भनाइ छ ।

हाल नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजार देखि ५ लाख ५९ हजार रुपैयाँ सम्म छ ।