अटो शोमा नेपालमै बनेका ब्याट्री र लुब्रिकेन्ट्सदेखी विभिन्न ब्रान्डका कम्पोनेन्ट

काठमाडौं–भोलीदेखी सुरु हुने नाडा अटो शोमा सवारीसाधनसंगै विभिन्न ब्रान्डका लुब्रिकेन्ट्स, ब्याट्री, टायर, स्पेयर पार्ट्स र एसेसोरिजको समेत अवलोकन गर्न पाइनेछ । मेलामा नेपालमै बनेका लुब्रिकेन्टदेखि ब्याट्री र टायरसम्मका ब्रान्डले सहभागीता जनाएका छन् ।

नेपालमा उत्पादन हुने ब्याट्री एसटीसी राइड तथा इनर्जी र स्वदेशी लुव्रिकेन्ट ब्रान्ड नेपाल गोल्ड, पिएलओ, गल्फ र भिडोल समेत सहभागी भएका हुन् । यसैगरी, ब्याट्रीमा टाटा ग्रिन र ग्लोब्याट जस्ता ब्रान्डले स्टल लिएका छने भने लुब्रिकेन्ट्समा सर्भो, पेट्रोनास, मोटुल, लिक्विमोली, डकहाम्स, यूनोकल, टोटल, बोश र डाईनेक्स जस्ता ब्रान्ड सहभागी छन् । टायरबाट भने जेकेले मात्रै सहभागिता जनाएको छ ।

प्रदर्शनीमा विभिन्न ब्रान्डका स्पेयर पार्ट्स, हेल्मेट र ग्यारेज उपकरण सहभागी हुँदैछन् । जसमध्ये हिट्को प्रालिको एटीएस एल्गी र एल्गीले सवारी ग्यारेजका लागि आवश्यक सबै उपकरण राख्ने भएको छ भने यसको सिज फायर र फायर प्रो ब्रान्डले फायर एक्टिङगुइसरलाई प्रर्दशनीमा राख्नेछ । यस्तै, गुड डिल ट्रेडिङ र पन्चकन्या मार्केटिङले पनि ग्यारेजका लागि आवश्यक उपकरणहरु नाडा अटो शोमा प्रर्दशनीमा राख्न लागेका छन् ।

पौडेल इन्टरप्राइजेजले स्टड्स र यूनीपेट्रो इनर्जीले स्टिलवर्ड हेल्मटलाई प्रर्दशनीमा राख्न लागेका छन् । क्रेटो प्राली, कामना डिस्ट्रिब्युटर्स, माइक्रो विज, शिब ओम शक्ति, सिम्पल टेक सोलुसन र सिप्रदि ट्रेडिङले बिभिन्न ब्रान्डका स्पेयर पार्ट्स तथा कम्पोनेन्टलाई सोकेस गर्ने तयारी गरेका छन् ।