नेपालमै सबैभन्दा बढी रेन्ज दिने इलेक्ट्रिक स्कुटर राफ्ट इन्दस, ईभी नेपाल एक्सपोमा हेर्न सकिने

काठमाडौं – नेपाली बजारमै सबैभन्दा बढी अर्थात सिंगल चार्जमा ३२० किलोमिटर सम्म रेन्ज दिने स्कुटर भित्रिएको छ । आइएमई इलेक्ट्रिकले भित्र्याएको राफ्ट इन्दस स्कुटर भृकुटी मण्डपमा चलिरहेको ईभी नेपाल एक्सपो २०२२ मा अवलोकन र टेस्ट राइड गर्न सकिन्छ ।

राफ्ट इन्दस १००० र २००० वाट मोटर गरी दुई मोडलमा उपलब्ध छ । १००० वाटको इन्दसले सिंगल चार्जमा ३२० किलोमिटर र २००० वाटको इन्दसले ३०० किलोमिटर रेन्ज दिने कम्पनीको भनाइ छ ।

स्कुटरमा किलेस स्टार्ट, थेफ्ट अलार्म, रिभर्स गियर, डिजिटल डिस्प्ले, इन्डिकेटर बजर, अटोमेटिक चार्जर कट–अफ, १० एम्पियर फास्ट चार्जिङ, पोर्टेबल ब्याट्री, ३ ड्राइभिङ मोड आदि फिचर छन् । त्यसैगरी रिमोट लकिङ र रिजेनेरेटिभ ब्रेकिङ सिस्टम लगायतका विशेषता समेत उपलब्ध छन् ।

१३५ एएचको लिथियम आइरन फस्फेट ब्याट्री प्रयोग भएको सो स्कुटरको ब्याट्रीमा १ लाख किलोमिटर वा ३ वर्ष सम्म वारेन्टी उपलब्ध भएको कम्पनीको भनाइ छ ।

१००० वाट क्षमताको राफ्ट इन्दसको मूल्य ४ लाख ९९ हजार रुपैयाँ तोकिएको छ । २००० वाट क्षमताको राफ्ट इन्दसको मूल्य ५ लाख २९ हजार रुपैयाँ छ । दुवै स्कुटरमा हाल १५ हजार रुपैयाँ छुटको व्यवस्था समेत छ ।