लिफान ब्रान्डका इलेक्ट्रिक स्कुटर नेपाल आउने, यस्तो हुनेछ मूल्य

काठमाडौं – नेपालमा लिफान इलेक्ट्रिक स्कुटर भित्रिने भएको छ । नारायणगढस्थित पिनाकल मोटरार्डले सो ब्रान्डका इलेक्ट्रिक स्कुटर नेपाल ल्याउने भएको हो ।

नेपाली बजारमा उपलब्ध हुने लिफान ई३ को मूल्य २ लाख ४९ हजार, ई४ र ब्रिङको मूल्य २ लाख ९९ हजार र ई३ को टप भेरिएन्टको मूल्य ३ लाख ३९ हजार रुपैयाँ निर्धारण गरिएको छ ।

१२ सय वाटरको मोटर क्षमता भएका यी इलेक्ट्रिक स्कुटर पश्चात कम्पनीले अन्य मोडलका सवारी साधन समेत बजारमा उपलब्ध गराउने जनाएको छ ।

नेपाली बजारमा यो भन्दा पहिले नेपालमै एसेम्बल गरेर अन्ना लिफान नामक मोटरसाइकल कुनै समयमा बिक्री हुने गरेको थियो । अब भने लिफान ब्रान्डमा इलेक्ट्रिक स्कुटर उपलब्ध हुने भएको हो ।