बीवाईडी एट्टो३ संग प्रतिस्पर्धा गर्न आउँदै लिपमोटर बी१०, यस्तो छ ब्याट्री, मोटर र रेन्ज

लिप मोटरले आफ्नो नयाँ इलेक्ट्रिक क्रसओभर बी१० को प्रिसेल यहि मार्च १० देखी गर्ने भएको छ । कम्पनीले चिनियाँ बजारलाई लक्षित गरी पहिलो चरणमा यसको प्रिसेल थाल्न लागेको हो ।

बीवाईडी एट्टो३ संग सिधा प्रतिस्पर्धा गर्ने गरी तयार पारिएको बी१० को सुरुवाती मूल्य चिनमा १३ हजारदेखी २० हजार डलरसम्म पर्ने अनुमान गरिएको छ । यस नयाँ कारलाई कम्पनीले यसै वर्षको अन्त्यदेखी यूरोपमा समेत बिक्री थाल्ने तयारी गरेको छ । यूरोपमा यसको मूल्य बीवाईडी एट्टो३ भन्दा ५ हजार यूरो सस्तो पने बताइएको छ ।

लिप मोटरको बी सिरिज अन्तर्गत पहिलो मोडलका रुपमा बिक्री सुरु गर्न लागिएको यस नयाँ एसयूभीमा कम्पनीले ५६.२ किलोवाट अवारको एलएफपी ब्याट्री प्याक जडान गरेको छ । बी१० १३२ किलोवाट र १६० किलोवट क्षमतको मोटर भेरिएन्टमा उपलब्ध हुने जनाइएको छ ।

यस कारलाई एकपटक फुल चार्ज गरेपछि ५१० किलोमिटर रेन्ज दिने सिएलटिसीले दाबी गरेको छ । बी१० लिप मोटरको नयाँ ईभी प्लेटफर्म लीप ३.५ मोडुलर आर्किटेक्चरमा बनेको पहिलो ईभी समेत हो ।

साइजका हिसावले यो बीवाईडी एट्टो३ भन्दा ६० एमएम बढी लामो, ४० एमएम बढी चौडा र ४० एमएम नै बढी अग्लो हुनेछ । एडास फिचरलाई थप प्रभावकारी बानउन यसमा लिडार सेन्सर जडान गरिएको छ ।

लिप मोटर नेपाली बजारमा समेत उपलब्ध रहँदै आएको ईभी ब्रान्ड हो । नेपालमा हाल यसको सी१० एसयूभी र टी०३ ह्याचव्याक गरी दुईवटा मोडल उपलब्ध छ । राईट ह्यान्ड ड्राइभ बजारका लागी बिक्री सुरु भएसंगै यसको बी१० मोडल नेपाली बजारमा पनि उपलब्ध हुने सहजै अनुमान गर्न सकिन्छ ।