ग्राहकले पाउन थाले सी१० एसयूभी

काठमाडौं– साङ्ग्रिला मोटर्सले सी१० एसयूभी ग्राहकलाई दिन शुरु गरेको छ । नाडा अटो शोमा सार्बजनिक गरिएको सी१० लाई कम्पनीले कार्तिक २५ देखि हस्तान्तरण गर्न शुरु गरेको हो ।

नेपाली ग्राहकहरुले अब लामो प्रतिक्षापछि यो प्रिमियम एसयूभीको अनुभव लिन सक्नेछन् । साङ्ग्रिला मोटर्सले आफ्नो ग्राहकहरूको सन्तुष्टिलाई ध्यानमा राख्दै, डेलिभरी प्रक्रिया छिटो, सहज, र व्यवस्थित बनाउन विशेष ध्यान दिएको जनाएको छ ।

लक्जरी, प्रदर्शन र वातावरणीय जिम्मेवारीलाई समेटेर डिजाइन गरिएको लिपमोटर सी१० ले विद्युतीय सवारीसाधनमा नयाँ अध्यायको सुरुवात गरेको कम्पनीले जनाएको छ ।

लिप मोटर्सले यसमा ६९.९ किलोवाट आवर क्षमताको एलएफपी ब्याट्री दिएको छ । उक्त ब्याट्रीले सिंगल चार्जमा ४२० किलोमिटर रेन्ज दिने डब्लूएलटीपी टेष्टले प्रमाणित गरेको छ । गाडीमा १६० किलोवाट क्षमताको इलेक्ट्रिक मोटर दिइएको छ ।